A Lei 5/2013, do 30 de maio, de fomento da investigación e da innovación de Galicia, modificada pola Lei 13/2015, do 24 de decembro, de medidas fiscais e administrativas, creou o Consello Asesor en Investigación e Innovación de Galicia como o órgano colexiado de participación e consulta dos axentes do Sistema galego de investigación e innovación nos asuntos relacionados coa investigación, transferencia, valorización e innovación.
Mediante a Orde do 25 de xuño de 2019, publicada no DOG núm. 129, do 9 de xullo, nomeáronse os membros do Consello Asesor en Investigación e Innovación de Galicia, de acordo cos artigos 22.1 e 22.3 da dita lei.
O artigo 2 da dita orde dispón que, unha vez que o Consello Galego de Cámaras designe unha persoa en representación das empresas, se procederá ao seu nomeamento e dese modo quedará completada a composición do Consello Asesor.
E consecuencia, e por proposta do citado axente,
DISPOÑO:
Artigo 1
Nomear a seguinte persoa como membro do Consello Asesor en Investigación e Innovación de Galicia:
En representación do Consello de Cámaras de Galicia a:
Miguel Ángel García Miguéns.
Artigo 2
O dito nomeamento, conforme o artigo 22.4 da Lei 5/2013, do 30 de maio, de fomento da investigación e da innovación de Galicia, modificado pola Lei 13/2015, do 24 de decembro, de medidas fiscais e administrativas, terá unha duración do mandato de catro anos, sen posibilidade de reelección.
Disposición derradeira
Esta orde entrará en vigor o día seguinte ao da súa publicación no Diario Oficial de Galicia.
Santiago de Compostela, 3 de setembro de 2019
Francisco Conde López
Conselleiro de Economía, Emprego e Industria