Advertido un erro no anexo da resolución publicada no Diario Oficial de Galicia núm. 248, de luns 31 de decembro, no número de prazas reservadas para promoción interna, xa que non se acada a porcentaxe do 25 % previsto no artigo 80 da Lei 2/2015, do 29 de abril, de emprego público de Galicia, e co fin de dar cumprimento ao legalmente establecido, procédese a incrementar 1 praza na quenda de promoción interna e minorar 1 praza de quenda libre. Esta modificación non comporta ningunha alteración na oferta de emprego pública autorizada, nin na taxa de reposición correspondente a ese exercicio.

Tendo en conta o anterior, a Xerencia da Universidade de Santiago de Compostela, no uso das atribucións conferidas no artigo 91 dos estatutos desta universidade, aprobados polo Decreto 14/2014, do 30 de xaneiro, resolve que se publique a seguinte corrección onde di:

«		Promoción interna	Acceso libre
Subgrupo/Grupo	Escala/Categoría	Cupo xeral	Cupo xeral
Persoal funcionario
A2	Escala de axudantes de arquivos, bibliotecas e museos, esp. bibliotecas	1	4	»

Debe dicir:

«		Promoción interna	Acceso libre
Subgrupo/Grupo	Escala/Categoría	Cupo xeral	Cupo xeral
Persoal funcionario
A2	Escala de axudantes de arquivos, bibliotecas e museos, esp. bibliotecas	2	3	»

Santiago de Compostela, 25 de setembro de 2019

Antonio Javier Ferreira Fernández
Xerente da Universidade de Santiago de Compostela