Logo de aprobado inicialmente pola Xunta de Goberno Local, en sesión que tivo lugar o día 10 de setembro de 2019, o Plan especial de infraestruturas e dotacións para construción dunha unidade residencial en solo rústico, no concello das Pontes de García Rodríguez, sométese o expediente ao trámite de información pública, conforme establecen o artigo 75.1.a) da Lei 2/2016, do 10 de febreiro, do solo de Galicia, e o artigo 186.1.a) do Decreto 143/2016, do 22 de setembro, polo que se aproba o Regulamento da Lei 2/2016, do 10 de febreiro, durante un prazo de dous (2) meses, contado a partir do día seguinte ao da inserción deste anuncio no Diario Oficial de Galicia, durante o cal poderá ser examinado no Negociado de Urbanismo do Concello e se poderán presentar as alegacións, suxestións ou documentos que se consideren oportunos.

As Pontes de García Rodríguez, 16 de setembro de 2019

O alcalde
P.D. (Decreto 993/2019, do 24 de xuño)
Antonio Alonso Román
Concelleiro-delegado da Área de Urbanismo e Coordinación do Goberno