O artigo 15 da Lei 1/2016, do 18 de xaneiro, de transparencia e bo goberno (Diario Oficial de Galicia núm. 30, do 15 de febreiro) impón a cada consellería ou entidade da Xunta de Galicia a obriga de remitir para a súa publicación no Diario Oficial de Galicia unha relación dos convenios subscritos referida ao cuadrimestre anterior.
En consecuencia, e para dar cumprimento a esta obriga,
DISPOÑO:
Artigo único
Darlle publicidade á relación dos convenios subscritos polo Instituto de Estudos do Territorio no segundo cuadrimestre do ano 2019, que se incorpora como anexo a esta resolución.
Santiago de Compostela, 3 de setembro de 2019
O director do Instituto de Estudos do Territorio
P.S. (Resolución do 2.9.2019)
Pablo Amenedo Bermúdez
Director do Departamento de Xestión Xurídico-Administrativa
ANEXO
Convenio |
Obxecto do convenio |
Achega económica do IET |
Data da sinatura |
Convenio de colaboración entre o Instituto de Estudos do Territorio da Consellería de Medio Ambiente, Territorio e Vivenda, a Federación Galega de Municipios e Provincias, e os concellos de Ames, Betanzos, Fene e Teo para a obtención de imaxes aéreas de alta resolución xeorreferenciadas |
Regular o réxime de colaboración entre as partes subscritoras para os efectos de acadar a realización de imaxes aéreas de alta resolución xeorreferenciadas ao abeiro das actuacións contempladas no desenvolvemento do Plan nacional de ortografía aérea (PNOA 10) para Galicia |
50.000 euros, IVE incluído |
9.5.2019 |
Convenio de colaboración entre a Axencia Turismo de Galicia, o organismo autónomo Instituto de Estudos do Territorio, a Axencia Galega de Desenvolvemento Rural e a Fundación Galicia Sustentable para o desenvolvemento do camiño dos faros |
Establecer as condicións de colaboración entre as entidades asinantes para o desenvolvemento do proxecto camiño dos faros, que persegue xerar un modelo de xestión integrado que leve a unha maior identificación da cidadanía residente co devandito camiño |
Sen achega económica |
13.5.2019 |
Convenio de colaboración entre a entidade pública empresarial Augas de Galicia, o Instituto de Estudos do Territorio e a Asociación para a Defensa Ecolóxica de Galicia (Adega) para o desenvolvemento dun programa de educación para a sustentabilidade dos ríos (Proxecto Ríos) |
Establecer as condición que rexerán a participación e colaboración entre Augas de Galicia, o Instituto de Estudos do Territorio e a Asociación para la Defensa Ecológica de Galicia (Adega) para o desenvolvemento das actividades e actuacións planificadas para o ano 2019 no marco do Proxecto Ríos |
Sen achega económica |
14.5.2019 |