Mediante a Orde da Consellería de Facenda do 22 de maio de 2018 (DOG núm. 106, do 5 de xuño) convocouse o proceso selectivo para o ingreso no corpo facultativo de grao medio de Administración especial da Administración xeral da Comunidade Autónoma de Galicia, subgrupo A2, escala de enxeñeiros técnicos, especialidade de enxeñaría técnica forestal.

Mediante a Orde da Consellería de Facenda do 24 de xullo de 2019 (DOG núm. 144, do 31 de xullo) procedeuse ao nomeamento do tribunal encargado de cualificar o proceso selectivo.

Por circunstancias sobrevidas procédese á modificación da composición do dito tribunal cualificador, polo que esta consellería

DISPÓN:

Primeiro. Aceptar a renuncia de Manuel Francisco Marey Pérez como presidente titular do dito tribunal e nomear no seu lugar a Marcos Barreiro González, persoal funcionario do corpo facultativo superior da Administración especial da Administración xeral da Comunidade Autónoma de Galicia, subgrupo A1, escala de enxeñeiros, especialidade de enxeñaría agronómica, que figuraba como vogal titular.

Segundo. Nomear como vogal titular a Francisco Javier Quintana Moreno, persoal funcionario do corpo facultativo de grao medio de Administración especial da Administración xeral da Comunidade Autónoma de Galicia, subgrupo A2, escala de enxeñeiros técnicos, especialidade de enxeñería técnica forestal.

Terceiro. Aceptar a renuncia de Óscar Peña López como vogal suplente e nomear no seu lugar a Fernando Bernárdez Rodríguez, persoal funcionario do corpo de enxeñeiros agrónomos da Administración xeral do Estado.

Santiago de Compostela, 12 de setembro de 2019

Valeriano Martínez García
Conselleiro de Facenda