De conformidade co artigo 44 da Lei 39/2015, do 1 de outubro, do procedemento administrativo común das administracións públicas, logo de ser intentada sen éxito a notificación persoal a través do servizo de Correos, notifícase á persoa interesada que se sinala no anexo deste anuncio o acordo de inicio do procedemento de perda do dereito ao cobramento e de reintegro da bolsa concedida para a realización dun máster nunha universidade galega.
A persoa interesada poderá comparecer nas dependencias da Secretaría Xeral da Emigración, praza de Mazarelos, número 15, 15703 Santiago de Compostela (A Coruña), das 9.00 ás 14.00 horas, de luns a venres para o coñecemento íntegro do dito acordo e a constancia de tal coñecemento.
De acordo co disposto no artigo 77.2 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia, a persoa interesada dispón dun prazo máximo de quince (15) días, contados desde a notificación deste acordo de inicio, para presentar cantas alegacións e documentos considere pertinentes.
Transcorrido o dito prazo sen presentar alegacións, o órgano competente poderá, sen máis trámite, resolver este procedemento nos mesmos termos contidos no acordo de inicio. A eficacia do acto administrativo queda supeditada á súa publicación no taboleiro de edictos único do Boletín Oficial del Estado (TEU do BOE), polo que o dito prazo para presentar as alegacións e a documentación contarase a partir do día seguinte ao da publicación deste anuncio no TEU do BOE.
Santiago de Compostela, 26 de agosto de 2019
Antonio Rodríguez Miranda
Secretario xeral da Emigración
ANEXO
Expediente: PR911A 2018/257.
Interesado: 32826120Z.
Acto notificado: acordo de inicio de procedemento de declaración de perda do dereito ao cobramento e reintegro da bolsa concedida ao abeiro da Resolución do 19 de febreiro de 2018, da Secretaría Xeral da Emigración, pola que se aprobaron as bases reguladoras e se procedeu á convocatoria de cen (100) bolsas de excelencia para a mocidade do exterior, co fin de cursar estudos de máster que se inicien no ano 2018 nunha universidade galega.