O Pleno da Corporación, en sesión ordinaria que tivo lugar o día 9 de abril de 2019, acordou aprobar inicialmente o expediente 5/2015.PMP de modificación puntual das normas subsidiarias de planeamento de Arteixo no ámbito do polígono industrial de Sabón, segundo o proxecto asinado polo arquitecto Álvaro Vidal García con data de marzo de 2019.
En virtude do disposto polo artigo 60 da Lei 2/2016, do 10 de febreiro, do solo de Galicia, e polo artigo 144 do Decreto 143/2016, do 22 de setembro, polo que se aproba o Regulamento da Lei 2/2016, o expediente de referencia queda sometido a información pública polo prazo de dous meses, contados a partir do día seguinte a aquel en que se produza esta publicación no Diario Oficial de Galicia.
Durante o dito prazo, as persoas interesadas poderán examinar o seu contido no Departamento de Urbanismo do Concello de Arteixo (praza Alcalde Ramón Dopico, nº 1, Arteixo), de luns a venres, das 9.00 ás 14.00 horas, e presentar alegacións se o consideran oportuno.
O contido íntegro da modificación puntual pódese consultar no seguinte enderezo electrónico: https://sede.arteixo.org/opencms/gl/informacion/tablon/Noticia_Urbanismo_001.html.
Arteixo, 10 de xuño de 2019
O alcalde
P.D. (Decreto nº 1336, do 6.7.2015)
Luis Alberto Castro Calvete
Concelleiro en funcións do Departamento de Urbanismo e Medio Ambiente