Tipo e número de recurso: recurso de suplicación 278/2019 IP.
Xulgado de orixe/autos: despedimento/cesamentos en xeral 558/2017. Xulgado do Social número 1 de Santiago de Compostela.
Recorrente: María Ángeles Fuentes Ríos.
Avogado: Jorge Ulla Rocha.
Recorridos: Fogasa, Nueva Omsa España, S.A., Sara Lee de España, S.A.
Avogado/a: letrado do Fogasa, Josep Xavier Gambus Picart.
Procuradora: Laura Carnero Rodríguez.
Eu, María Isabel Freire Corzo, letrada da Administración de xustiza da sección número 1 da Sala Segunda do Social do Tribunal Superior de Xustiza de Galicia, fago saber que no procedemento de recurso de suplicación 278/2019 desta sección, seguido por instancia de María Ángeles Fuentes Ríos contra o Fogasa, Nueva Omsa España, S.A. e Sara Lee de España, S.A., sobre despedimento disciplinario, se ditou a seguinte resolución:
«Casación en unificación de doutrina: 168/2019 IP.
Parte recorrente: María Ángeles Fuentes Ríos.
Dilixencia de ordenación da letrada da Administración de xustiza María Isabel Freire Corzo.
A Coruña, 18 de xullo de 2019.
Declárase a nulidade da D.O. do 20.6.2019 ao terse producido un erro nesta ao dicir que o letrado Jorge Ulla Rocha representaba a Sara Lee de España, S.L. cando a quen representa é a María Ángeles Fuentes Ríos, polo que se acorda o seguinte:
O anterior escrito presentado polo letrado Jorge Ulla Rocha, en nome e representación de María Ángeles Fuentes Ríos, únese ao recurso da súa razón. Tense por preparado o recurso de casación para unificación de doutrina e concédese á parte recorrente o prazo de quince días para interpoñer o recurso ante esta sala, facéndolle saber que os autos se encontran á súa disposición na oficina xudicial para a súa entrega ou exame se o considera necesario.
Expídase certificación da sentenza que invoca como de contraste con expresión da súa firmeza, que se unirá á peza separada unha vez que se presente o escrito de interposición do RCUD.
Notifíquese ás partes facéndolles saber que contra a presente resolución non cabe recurso ningún sen prexuízo de que a parte impugnada poida opoñerse á admisión do recurso ao comparecer ante o Tribunal Supremo.
Notifíquese a presente resolución.
O/a letrado/a da Administración de xustiza».
Para que sirva de notificación en legal forma a Sara Lee de España, S.A., en ignorado paradoiro, expido o presente para a súa inserción no Diario Oficial de Galicia.
Advírtese á destinataria que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.
A Coruña, 18 de xullo de 2019
A letrada da Administración de xustiza