A Resolución do 16 de maio de 2019, da Secretaría Xeral da Igualdade, pola que se establecen as bases que rexerán a concesión, en réxime de concorrencia non competitiva, de subvencións destinadas ao fomento da contratación de mulleres que sofren violencia de xénero no ámbito de colaboración coas entidades locais galegas, e se procede á súa convocatoria para o ano 2019, establece que se concederán subvencións ata o esgotamento do crédito orzamentario, segundo o disposto no artigo 19.2 da Lei 9/2007, do 13 de xuño, de subvencións de Galicia.
Na dita convocatoria, establécese que ás subvencións obxecto desta convocatoria destínase un crédito por un importe total de 800.000 euros, que se imputarán á aplicación orzamentaria 05.11.313D.460.1 (código do proxecto 2018 00112) dos orzamentos xerais da Comunidade Autónoma de Galicia para o exercicio 2019.
A dita partida orzamentaria finánciase con fondos finalistas do Estado, que os orzamentos xerais do Estado destinan ao desenvolvemento ou ampliación das medidas recollidas no Pacto de Estado contra a violencia de xénero.
Unha vez resoltas as solicitudes presentadas ao abeiro da devandita resolución, constátase que coa última das resolucións ditadas o 5 de xullo de 2019 esgotouse o crédito dispoñible para a concesión destas subvencións.
En virtude do exposto anteriormente, e no uso das facultades que teño atribuídas,
DISPOÑO:
Artigo único
Dáse a coñecer o esgotamento, o 5 de xullo de 2019, do crédito dispoñible para a concesión destas subvencións convocadas por Resolución do 16 de maio de 2019, da Secretaría Xeral da Igualdade, pola que se establecen as bases que rexerán a concesión, en réxime de concorrencia non competitiva, de subvencións destinadas ao fomento da contratación de mulleres que sofren violencia de xénero no ámbito de colaboración coas entidades locais galegas.
Santiago de Compostela, 5 de agosto de 2019
Susana López Abella
Secretaria xeral da Igualdade