O Concello de Vilanova de Arousa está iniciando a tramitación da modificación puntual número 22 das normas subsidiarias do planeamento municipal para a redelimitación do núcleo rural de San Roque.
De conformidade co disposto nos artigos 78.2.a) da Lei 2/2016, do 16 de febreiro, do solo de Galicia, e 191.1.a) do Decreto 143/2016, do 22 de setembro, que aproba o Regulamento da Lei do solo, sométese o documento a información pública durante un prazo de dous (2) meses contados desde o día seguinte ao da publicación do presente anuncio no Diario Oficial de Galicia e dous dos xornais de maior difusión da provincia de Pontevedra.
O expediente poderá ser consultado na área de Urbanismo do Concello, sita na casa do concello, 3º andar (praza do Concello, número 1), de luns a venres, agás festivos, das 9.00 ás 13.00 horas.
Vilanova de Arousa, 8 de agosto de 2019
Gonzalo Durán Hermida
Alcalde