O Concello de Outeiro de Rei solicita a inscrición da Escola de Música Municipal no Rexistro de Escolas de Música e Danza da Comunidade Autónoma de Galicia, de conformidade coa Orde do 11 de marzo de 1993, que regula as condicións de creación e funcionamento destes centros docentes.
Logo de realizar os trámites que establece a normativa vixente, por proposta da Dirección Xeral de Centros e Recursos Humanos,
DISPOÑO:
Artigo 1. Inscrición no Rexistro de Escolas de Música
Autorizar a inclusión no Rexistro de Escolas de Música e Danza da Comunidade Autónoma de Galicia da escola de música que se sinala:
Denominación: Escola de Música Municipal de Outeiro de Rei.
Provincia: Lugo.
Concello: Outeiro de Rei.
Código postal: 27154.
Localidade: Robra.
Domicilio: Lugar Penelas nº 16.
Código de centro: 27020963.
Titular: Concello de Outeiro de Rei.
Artigo 2. Réxime xurídico
Esta escola queda sometida ao réxime de escolas de música e danza, segundo o establecido na Orde do 11 de marzo de 1993 e aos servizos de inspección correspondentes.
Artigo 3. Modificación da autorización
O centro deberá solicitar a oportuna revisión da inscrición cando teñan que modificarse calquera dos datos sinalados nesta orde.
Contra esta orde, que esgota a vía administrativa, as persoas interesadas poderán formular recurso potestativo de reposición ante esta consellería, no prazo dun mes, contado a partir do día seguinte ao da súa publicación no Diario Oficial de Galicia, segundo o disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben, directamente, o recurso contencioso-administrativo no prazo de dous meses desde a mesma data, ante a Sala do Contencioso-Administrativo do Tribunal Superior de Xustiza de Galicia, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 26 de xullo de 2019
Carmen Pomar Tojo
Conselleira de Educación, Universidade e Formación Profesional