Con data do 13 de febreiro de 2019, a Dirección Xeral de Enerxía e Minas ditou resolución pola que se outorgan á empresa Fergo Galicia Vento, S.L. as autorizacións administrativas previa e de construción, declárase a utilidade pública, en concreto, da instalación eléctrica denominada LAT 132 kV, parque eólico Serra do Oribio, subestación Triacastela, nos concellos de Samos e de Triacastela.

Esta declaración de utilidade pública, segundo o disposto no artigo 54 da Lei 24/2013, do 26 de decembro, do sector eléctrico, implica a necesidade de ocupación dos bens ou a adquisición dos dereitos afectados e a súa urxente ocupación para os efectos do artigo 52 da Lei de expropiación forzosa, do 16 de decembro de 1954.

De acordo co anterior, esta xefatura territorial, en cumprimento do disposto no artigo 52 da Lei de expropiación forzosa, resolve convocar todas as persoas afectadas coas que non se chegou a un acordo, incluídas na relación de bens e dereitos que se inclúe como anexo á presente resolución e que tamén se publica no taboleiro de anuncios do Concello de Triacastela, deducida da que se someteu a información pública no diario El Progreso do 16 de setembro de 2006 e no Diario Oficial de Galicia do 18 de setembro de 2006 para que comparezan o próximo 30 de agosto de 2019 no Concello de Triacastela, sinalado como punto de reunión para, de conformidade co procedemento que se establece no citado artigo, levar a cabo o levantamento de actas previas á ocupación.

Desta convocatoria darase traslado aos interesados mediante a oportuna citación individual, na que se sinalará o día e a hora para o levantamento de actas previas. Así mesmo, no taboleiro de anuncios do Concello de Triacastela, estará exposta a data do levantamento de actas. Todos os interesados, así como as persoas que sexan titulares de calquera clase de dereitos ou intereses sobre os bens afectados, deberán acudir persoalmente ou representados por persoa debidamente autorizada, aportando os documentos acreditativos da súa titularidade, podéndose acompañar dos seus peritos e dun notario pola súa conta (artigo 52.3 da Lei de expropiación forzosa).

Así mesmo, advírtese a todos os interesados que poderán formular alegacións por escrito nesta xefatura territorial (rolda da Muralla, 70, Lugo) ata o momento do levantamento de actas previas, para os únicos efectos de emendar os posibles erros cometidos na relación de bens e dereitos afectados (artigo 56.2 do Regulamento da Lei de expropiación forzosa).

Esta publicación realízase igualmente, para os efectos que determina o artigo 44 da Lei 39/2015, do 1 de outubro, do procedemento administrativo común das administracións públicas, cando os titulares dos predios propostos sexan descoñecidos, non se saiba o lugar de notificación, ou ben, intentada a notificación, non se puidese realizar (sen prexuízo da correspondente publicación no BOE) e así dirixirlle ao Ministerio Fiscal as dilixencias que se produzan de conformidade co artigo 5 da Lei de expropiación forzosa, do 16 de decembro de 1954.

Lugo, 5 de xullo de 2019

Pilar Fernández López
Xefa territorial de Lugo

ANEXO

Parc.	Ref. catastral		Propietario	Lugar	Superficie afección
					Apoios		Voo					Gabia
	Pol.	Núm.	Nome e apelidos		Nº apoio	Superficie (m2)	Total (ml)	Total (m2)	Monte alto (m2)	Pasto/prado (m2)	Monte baixo (m2)	Superficie (m2)
3	42	265	Montes Veciñais en Man Común de Ramil e de Triacastela José Manuel López Valcarce	Cernada	14-15-16-17-18-19	90,28	692,09	13.841,72	1.331,79		12.509,93
6	42	180	Julia Pérez Anguez	Peneliñas			16,75	334,96			334,96
15	41	44	María Jesús Pombo Páez Mercedes Pombo Páez Mercedes Pombo Portela Rosario Pombo Portela	Carrego			23,66	473,1		473,1
16	41	43	Rosario Pombo Portela	Carrego			13,96	279,25	0	279,25	0
18	41	41	María Jesús Pombo Páez Mercedes Pombo Páez Mercedes Pombo Portela Rosario Pombo Portela	Carrego	20	36	9,49	189,8		189,8		70,56