Despois de intentar en tempo e forma a práctica da notificación do acto que se relaciona no anexo sen que fose posible por causas non imputables á Administración e dado que a publicación do seu contido íntegro pode lesionar dereitos e intereses lexítimos, de conformidade cos artigos 44 e 46 da Lei 39/2015, do 1 de outubro, do procedemento administrativo común das administracións públicas, por medio deste anuncio notifícase á persoa que se sinala no dito anexo ou ao seu representante debidamente acreditado, o acto administrativo que se indica.

Para coñecer o contido íntegro do acto que se notifica, a persoa interesada ou o seu representante debidamente acreditado poderá comparecer, no prazo de dez (10) días contados desde o día seguinte ao da publicación deste anuncio no Boletín Oficial del Estado (BOE), nas dependencias do Servizo de Dependencia e Autonomía Persoal da Xefatura Territorial da Consellería de Política Social sitas na praza da Estrela, s/n, 3ª planta (Vigo), en horario de mañá entre as 9.00 e as 14.00 horas, de luns a venres. No caso de non comparecer no prazo indicado, entenderase producida a notificación.

Advírtese, de conformidade co disposto no artigo 24 do Decreto 15/2010, do 4 de febreiro, polo que se regula o procedemento para o recoñecemento da situación de dependencia e do dereito ás prestacións do sistema para a autonomía e atención á dependencia, e no artigo 68 da Lei 39/2015, do 1 de outubro, que de non efectuar a emenda no prazo que se indique no requirimento terase por desistido da súa petición, logo da resolución que deberá ser ditada nos termos previstos no artigo 21 da citada lei.

Vigo, 5 de xullo de 2019

Marta Iglesias Bueno
Xefa territorial de Vigo

ANEXO

Procedemento BS210A Nº de expediente	DNI	Acto obxecto de notificación	Data do documento
VI-74163	34214317T	Requirimento de emenda da solicitude	4.6.2019