De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, publícase o emprazamento para trámite de audiencia ditado no expediente de reposición da legalidade urbanística PON/142/2018-RP1, á entidade Gaesco, S.L., en relación coas obras consistentes no acondicionamento de nave existente para a implantación de actividade de taller para cambio de pneumáticos, explanación e asfaltado do perímetro da nave, no lugar da Áspera, Portela, no termo municipal de Barro, provincia de Pontevedra.
O expediente relacionado atópase a disposición da interesada na Axencia de Protección da Legalidade Urbanística, sita no Edificio Witland, Salgueiriños, en Santiago de Compostela, para a súa consulta no prazo de dez (10) días hábiles, que se contarán desde o día seguinte ao da publicación desta cédula no Boletín Oficial del Estado. Transcorrido o devandito prazo a notificación entenderase producida.
A interesada disporá dun prazo de quince (15) días hábiles, contado a partir do día seguinte a aquel en que se teña producido a notificación, para presentar alegacións e os documentos e xustificacións que considere pertinentes.
Para que conste e lle sirva de notificación á citada interesada, en cumprimento do disposto no artigo 44 da Lei 39/2015, do 1 de outubro, do procedemento administrativo común das administracións públicas, expido e asino esta cédula.
Santiago de Compostela, 24 de xullo de 2019
José Antonio Cerdeira Pérez
Director da Axencia de Protección da Legalidade Urbanística