A Orde da Consellería de Educación, Universidade e Formación Profesional, do 26 de xuño de 2019, pola que se convocan os premios de educación secundaria obrigatoria ao esforzo e á superación persoal correspondentes ao curso 2018/19 (DOG do 10 de xullo), establece no seu artigo 12 que a persoa titular da Dirección Xeral de Educación, Formación Profesional e Innovación Educativa designará unha comisión formada por un presidente ou unha presidenta, e ata un máximo de seis vogais, coa categoría de subdirector/a xeral, xefe/a de servizo ou inspectores e inspectoras de educación. O presidente ou a presidenta deberá ser un subdirector xeral ou unha subdirectora xeral, ou un inspector ou unha inspectora de educación.
De conformidade co establecido no citado artigo 12 e na disposición derradeira primeira da citada Orde do 26 de xuño de 2019,
RESOLVO:
Primeiro. Designar os membros da comisión de selección das persoas candidatas aos premios de educación secundaria obrigatoria ao esforzo e á superación persoal correspondentes ao curso 2018/19, que valorarán os méritos das persoas participantes.
Segundo. Facer pública a súa composición, que figura no anexo a esta resolución.
Terceiro. Esta resolución entrará en vigor o día seguinte ao da súa publicación no Diario Oficial de Galicia.
Santiago de Compostela, 15 de xullo de 2019
Manuel Corredoira López
Director xeral de Educación, Formación Profesional e Innovación Educativa
ANEXO
Comisión de selección das persoas candidatas aos premios
Titulares:
Presidenta: M. Carmen Cimadevila Cea, subdirectora xeral de Inspección, Avaliación e Calidade do Sistema Educativo.
Vogais:
– María del Carmen Areán Vázquez, inspectora de educación.
– María Magdalena Duarte Blanco, inspectora de educación.
– María Adoración de la Fuente Fernández, inspectora de educación.
Suplentes:
Presidente: Juan Durán Alonso, subdirector xeral de Aprendizaxe Permanente e Ensinanzas de Réxime Especial.
Vogais:
– José Fernando Carrasco Mera, inspector de educación.
– Patricia Elena Gens Autrán, inspectora de educación.
– María Elena Urtiaga Estévez, inspectora de educación.