DOG 142 do 29/07/2019 - RESOLUCIÓN do 18 de xullo de 2019, da Dirección Xeral de Xuventude, Participación e Voluntariado, pola que se publican os requirimentos de emenda da documentación das solicitudes presentadas ao abeiro da Orde do 3 de xuño de 2019 pola que se regulan as bases das subvencións para entidades de acción voluntaria e entidades locais enmarcadas no Programa voluntariado sénior e se procede á súa convocatoria para o ano 2019 (código de procedemento BS508C).

III. Outras disposicións

Consellería de Política Social

RESOLUCIÓN do 18 de xullo de 2019, da Dirección Xeral de Xuventude, Participación e Voluntariado, pola que se publican os requirimentos de emenda da documentación das solicitudes presentadas ao abeiro da Orde do 3 de xuño de 2019 pola que se regulan as bases das subvencións para entidades de acción voluntaria e entidades locais enmarcadas no Programa voluntariado sénior e se procede á súa convocatoria para o ano 2019 (código de procedemento BS508C).

A Consellería de Política Social convocou para o ano 2019, a través da Orde do 3 de xuño de 2019 (DOG núm. 112, do 14 de xuño) as axudas enmarcadas no programa voluntariado sénior.

O artigo 7 da orde de convocatoria establece o prazo e a forma de presentación das solicitudes. O prazo de presentación de solicitudes sinalado no citado artigo é dun mes, contado a partir do día seguinte ao da publicación da orde no Diario Oficial de Galicia.

Así mesmo, no artigo 8 da orde determínase a documentación complementaria necesaria para a tramitación do procedemento.

Unha vez revisadas as solicitudes presentadas ao abeiro da dita orde de convocatoria polo órgano encargado da instrución, identificáronse aquelas que non reúnen a documentación necesaria, ben por non tela presentado, ben por conter erros ou por non ser suficiente para a determinación do cumprimento dos requisitos exixidos para a súa posterior remisión á comisión encargada da súa valoración.

O artigo 11 da dita orde establece, de conformidade co previsto no artigo 68 da Lei 39/2015, do 1 de outubro, do procedemento administrativo común das administracións públicas, que se na solicitude se aprecian defectos ou falta de documentación, o órgano instrutor requirirá á entidade solicitante para que, nun prazo de dez (10) días, emende a falta ou achegue os documentos preceptivos, con indicación de que, se así non o fixer, se considerará que desiste da súa petición, logo de resolución, que deberá ser ditada nos termos previstos no artigo 21 da referida lei.

Así mesmo, o artigo 15 da orde de convocatoria establece que se publicarán no Diario Oficial de Galicia (DOG), de conformidade co previsto no artigo 45 da Lei 39/2015, do 1 de outubro, do procedemento administrativo común das administracións públicas, os actos administrativos e as correspondentes resolucións deste procedemento e que esta publicación producirá os efectos de notificación.

Por todo o exposto,

RESOLVO:

1. Ordenar a publicación no Diario Oficial de Galicia da relación de solicitudes que non están debidamente cubertas e/ou non achegan a documentación preceptiva exixida segundo o establecido nas bases reguladoras. Esta relación figura como anexo desta resolución.

2. Facer indicación expresa a todas as entidades solicitantes recollidas no anexo de que son requiridas para que, no prazo de dez (10) días, contado a partir do día seguinte ao da publicación desta resolución no Diario Oficial de Galicia (DOG), emenden a falta ou acheguen os documentos preceptivos conforme se establece na orde de convocatoria. De non o facer, daranse por desistidas na súa petición, logo de resolución, que será ditada nos termos previstos no artigo 21 da Lei 39/2015, do 1 de outubro, do procedemento administrativo común das administracións públicas.

3. En caso de dúbida, dificultades técnicas ou necesidade de máis información durante o proceso de emenda da documentación das solicitudes, poderán dirixirse á Consellería de Política Social a través dos teléfonos 981 95 79 20 ou 981 54 69 97.

Santiago de Compostela, 18 de xullo de 2019

Cristina Pichel Toimil
Directora xeral de Xuventude, Participación e Voluntariado

ANEXO

Entidades de acción voluntaria e entidades locais enmarcadas no Programa voluntariado sénior

Nº exp.	Solicitante	NIF da entidade	Documentación requirida
2019/003	Concello de Castrelo de Miño	P3202300D	• Certificación de estar ao día das obrigas coa Axencia Estatal da Administración Tributaria.
2019/004	Concello de Cangas-Oficina Municipal de Voluntariado	P3600800A	• Certificado da persoa secretaria sobre a existencia de crédito suficiente e adecuado (art. 8.1.b).
2019/009	Sociedade Recreativa San Xoán de Calo	G15069883	• Anexo I: subvención solicitada e cálculo do orzamento. • Proxecto de actividade: cálculo do orzamento.
2019/013	Concello de Cabana de Bergantiños	P1501400D	• Anexo I: cálculo erróneo do orzamento e subvención solicitada incorrecta. • Proxecto de actividades: cálculo erróneo do orzamento, incluír número de persoas beneficiarias. • Certificado da persoa secretaria sobre a existencia de crédito suficiente e adecuado (art. 8.1.b).
2019/016	Acción Familiar Ferrol	G15745466	• Certificación de estar ao día das obrigas coa Axencia Estatal da Administración Tributaria.
2019/017	Natural Ardai, Terapia, Ocio y Formación	G32456097	• Anexo I: número de persoas beneficiarias, cálculo dos datos das persoas voluntarias e dos gastos do programa. • Programa: número de persoas beneficiarias, incluír no cálculo do orzamento os gastos de manutención e transporte que reciben as persoas voluntarias, rectificar a terminoloxía usada para referirse ao compromiso de colaboración no número 2.2 do programa. • Rectificar no anexo I ou no programa a data de inicio do proxecto, xa que non coinciden.
2019/022	Grupo Compostela de Universidades	G15520307	• Anexo I: indicar a subvención solicitada.
2019/023	Concello de Santa Comba	P1507800I	• Anexo I: data de inicio do proxecto. • Proxecto de actividades (art. 8.1.a): incluír orzamento e número de persoas beneficiarias, revisar táboa cos días das persoas voluntarias. • Acreditación fidedigna da persoa representante legal da entidade. • Certificado da persoa secretaria sobre a existencia de crédito suficiente e adecuado (art. 8.1.b).
2019/024	Escola de Tempo Libre Xaruma	G36817385	• Anexo I.
2019/026	Asociación Protectora de Animais do Camiño	G70459045	• Anexo I. • Proxecto de actividades (art. 8.1.a). • Acreditación fidedigna da persoa representante legal da entidade. • Certificación de estar ao día das obrigas coa Axencia Estatal da Administración Tributaria.
2019/027	Asociación Cultural Monte Branco	G15066384	• Anexo I: número de persoas beneficiarias (persoas beneficiarias das actividades do programa). • Proxecto de actividades: número de persoas beneficiarias, orzamento e revisar textos (páxina 5). • Acreditación fidedigna da persoa representante legal da entidade.
2019/029	Asociación Socio Cultural ASCM	G15161573	• Certificación de estar ao día das obrigas coa Axencia Estatal da Administración Tributaria.
2019/030	Concello de Ponteceso	P1506900H	• Anexo I: a data fin de proxecto e número de persoas beneficiarias non acorde co proxecto de actividades. • Certificado da persoa secretaria sobre a existencia de crédito suficiente e adecuado (art. 8.1.b).
2019/031	Concello de Padrón	P1506600D	• Anexo I: en «Partes do orzamento» só referir a cantidade subvencionable (art. 6.4). • Certificado da persoa secretaria sobre a existencia de crédito suficiente e adecuado (art. 8.1.b).
2019/032	Concello de Lalín	P3602400H	• Anexo I. • Proxecto de actividades: corrixir datas, número de persoas beneficiarias, número de persoas voluntarias cos correspondentes días e horas, mención seguros. • Acreditación fidedigna da persoas representante legal da entidade. • Certificado da persoa secretaria sobre a existencia de crédito suficiente e adecuado (art. 8.1.b). • Certificación de estar ao día das obrigas coa consellería competente en materia de facenda da Xunta de Galicia.
2019/033	Concello da Veiga	P3208400F	• Anexo I: data fin de proxecto e número de persoas beneficiarias. • Proxecto de actividades (art. 8.1.a).
2019/034	Asociación Protectora de Animais Bai.Senpulgas	G27805910	• Anexo I: subvención solicitada, cálculo orzamento, datas do proxecto e número de persoas beneficiarias. • Proxecto de actividades (art. 8.1.a).
2019/035	Asociación Protectora de Animais Os Biosbardos	G27753268	• Anexo I: subvención solicitada e cálculo dos gastos do programa. • Proxecto de actividades (art. 8.1.a): estimación do número de persoas beneficiarias, orzamento desagregado, número de persoas voluntarias indicando horas, días e custo correspondente.
2019/036	Valoresc Innovation	G70377585	• Anexo I: datos das persoas voluntarias (cantidade total) e orzamento. • Proxecto de actividades (art. 8.1.a). • Certificación de estar ao día das obrigas coa Axencia Estatal da Administración Tributaria.
2019/037	Federación de Centros Xuvenís Don Bosco de Galicia	G15450828	• Anexo I: subvención solicitada. • Proxecto de actividades: correccións redacción páxina 5 e perfil dos voluntarios.
2019/038	Asociación Protectora de Animales San Francisco de Asís	G15655285	• Anexo I. • Proxecto de actividades (art. 8.1.a). • Certificación de estar ao día das obrigas coa consellería competente en materia de facenda da Xunta de Galicia.