Ás 11.30 horas do día 18 de setembro de 2019 terá lugar no salón de actos do Edificio Administrativo de Ferrol, situado na praza Camilo José Cela, s/n, Ferrol, perante a mesa presidida pola secretaria xeral técnica e do Patrimonio, coa asistencia dun letrado da Asesoría Xurídica da Xunta de Galicia, un representante da Intervención Xeral da Comunidade Autónoma e un funcionario da Secretaría Xeral Técnica e do Patrimonio, que actuará como secretario, a 4ª poxa pública do seguinte ben inmoble da Comunidade Autónoma de Galicia, cuxo alleamento foi acordado pola orde da Consellería de Facenda do 13 de xuño de 2017.
Predio urbano. Letra B (fondo esquerda) da planta 11 do bloque 3 denominado Edificio 13, sito no polígono de Caranza, na avenida de Castelao sen número, na cidade de Ferrol. Ocupa unha superficie útil de 72,50 m2 e está distribuída en vestíbulo, cociña, estar-comedor, tendedeiro, terraza, baño, aseo e 3 dormitorios. Linda fronte, vivenda A da mesma planta e descanso de escaleiras; dereita, descanso de escaleiras e despois ascensores; fondo, zona verde e despois parcela VI-N; esquerda, espazo libre. Libre de cargas. Inscrita no Rexistro da Propiedade de Ferrol como predio 47.615, tomo 1.531, libro 580, folio 140. Referencia catastral 4446303NJ6144N0046PO.
Tipo de licitación: 19.000 euros.
Para tomar parte na poxa é requisito indispensable consignar o 20 % da cantidade sinalada como tipo de licitación dos bens perante a mesa, ou acreditar que se depositou tal cantidade na Tesouraría Xeral da Xunta de Galicia á disposición da Secretaría Xeral Técnica e do Patrimonio.
Serán por conta dos adxudicatarios os custos dos anuncios, así como os orixinados pola adxudicación e formalización da escritura pública de venda; os demais gastos e impostos derivados da transmisión serán de aplicación conforme o disposto na lei.
O prego de condicións que rexe o presente alleamento está á disposición dos interesados na Subdirección Xeral do Patrimonio, rúa da Pastoriza, nº 8, 2º andar (Santiago de Compostela), así como na páxina web da Consellería de Facenda:
http://www.conselleriadefacenda.es/a-conselleria/transparencia/contratacion-patrimonial/procedementos-de-licitacion
Teléfonos de información: 981 54 41 51 e 981 95 78 11.
Santiago de Compostela, 19 de xuño de 2019
María del Socorro Martín Hierro
Secretaria xeral técnica e do Patrimonio da Consellería de Facenda