Convocada mediante a Resolución do 18 de abril de 2018 (DOG nº 90, do 11 de maio) a provisión de tres postos de xefe/a de grupo de tarde/noite de mantemento, esta xerencia, en virtude das competencias atribuídas polo Decreto 43/2013, do 21 de febreiro (DOG nº 47, do 7 de marzo), polo que se establece a estrutura orgánica do Servizo Galego de Saúde, a Orde do 5 de xullo de 2012 (DOG nº 139, do 20 de xullo) sobre delegación de competencias en órganos centrais e periféricos do Servizo Galego de Saúde, e o Decreto 168/2010, do 7 de outubro (DOG nº 199, do 15 de outubro), polo que se regula a estrutura organizativa de Xestión Integrada do Servizo Galego de Saúde,
DISPÓN:
Primeiro. Resolver a convocatoria pública para a provisión de tres postos de xefe/a de grupo de tarde/noite de mantemento, convocados mediante a Resolución do 18 de abril de 2018 (DOG nº 90, do 11 de maio).
Segundo. Nomear, para os postos que se indican, as persoas citadas no anexo desta resolución.
Terceiro. Os aspirantes seleccionados deberán cesar na praza que desempeñen dentro dos tres días hábiles seguintes a aquel en que se publique a resolución no Diario Oficial de Galicia.
A toma de posesión do posto de traballo adxudicado deberase efectuar dentro dos tres días hábiles seguintes ao do cesamento. Para estes efectos, entenderase por praza desempeñada a efectivamente ocupada, con independencia de que sexa en condición de destino definitivo, adscrito ou destino provisional ou comisión de servizos.
Se así o permiten as necesidades do servizo, e por petición motivada do interesado, os prazos a que se refiren os parágrafos anteriores poderán ser prorrogados polo órgano convocante.
O prazo de toma de posesión e a súa prórroga terán a condición de servizo activo, e os correspondentes haberes percibiranse de conformidade co que estableza a orde sobre confección de nóminas do persoal ao servizo da Administración autonómica.
Entenderase que solicita a excedencia voluntaria por interese particular, e será declarado nesa situación polo órgano competente, quen non se incorpore ao posto adxudicado no prazo establecido.
Cuarto. Contra esta resolución poderase interpoñer recurso de alzada, perante a Dirección Xeral de Recursos Humanos do Servizo Galego de Saúde, no prazo dun mes contado desde o día seguinte ao da súa publicación, nos termos establecidos nos artigos 121 e 122 da Lei 39/2015, do 1 de outubro, do procedemento administrativo común das administracións públicas.
A Coruña, 6 de xuño de 2019
Luis Verde Remeseiro
Xerente de Xestión Integrada da Coruña
ANEXO
Denominación do posto: xefe/a de grupo de tarde/noite de mantemento.
Nome e apelidos: Nicolás Ángel Corral García.
DNI (*): ***4615**.
Denominación do posto: xefe/a de grupo de tarde/noite de mantemento.
Nome e apelidos: Juan José Mella Catoira.
DNI (*): ***6423**.
Denominación do posto: xefe/a de grupo de tarde/noite de mantemento.
Nome e apelidos: Rafael Fernández López.
DNI (*): ***0208**.
(*) Ocúltase parcialmente o número do documento nacional de identidade para preservar os datos de carácter persoal.
