Mediante a Orde do 20 de decembro de 2018, da Consellería de Economía, Emprego e Industria (DOG núm. 22, do 31 de xaneiro de 2019), establecéronse as bases reguladoras do certame Cooperativismo no ensino, dirixido ao alumnado dos centros educativos de Galicia, e procedeuse á súa convocatoria para o ano 2019.
Nas bases reguladoras establécese que os traballos participantes neste concurso serán avaliados por un tribunal e que a persoa titular da Secretaría Xeral de Emprego resolverá a concesión dos premios, que serán obxecto de publicación no Diario Oficial de Galicia.
Unha vez emitidas as propostas de concesión dos premios polos tribunais encargados de avaliar os traballos presentados, nas súas reunións do 27 de maio de 2019, mediante resolución da Secretaría Xeral de Emprego, do 28 de maio de 2019, aprobouse a concesión dos premios.
Por todo o anterior,
DISPOÑO:
Facer pública a concesión dos premios do certame Cooperativismo no ensino 2019, dirixido ao alumnado dos centros educativos de Galicia, que se relacionan no anexo que se xunta a esta resolución.
Santiago de Compostela, 29 de maio de 2019
Covadonga Toca Carús
Secretaria xeral de Emprego
ANEXO
Certame Cooperativismo no ensino 2019
• Modalidade de actividades artísticas, dirixida ao alumnado dos centros de educación infantil, primaria e educación especial por categorías:
– Categoría A: alumnado de 2º ciclo de educación infantil.
Premio ao mellor traballo: Merendas saudables do CPI Alcalde Xosé Pichel.
Accésit: Saboreando xunt@s do CEIP San Miguel de Reinante Barreiros.
– Categoría B: alumnado de 1º e 2º de educación primaria.
Premio ao mellor traballo: A maxia de cooperar do CEIP Plurilingüe Domaio.
Accésit: Xuntas cooperando, o inverno asegurando do CEIP San Miguel de Reinante Barreiros.
– Categoría C: alumnado de 3º e 4º de educación primaria.
Premio ao mellor traballo: Cooperamos do CEIP Plurilingüe Domaio.
Accésit: Parchís cooperativo do CEIP San Miguel de Reinante Barreiros.
– Categoría D: alumnado de 5º e 6º de educación primaria.
Premio ao mellor traballo: Vila Cibercoop do CEIP San Miguel de Reinante Barreiros.
Accésit: Un patio máis divertido co xogo cooperativo do CEIP Plurilingüe Domaio.
• Modalidade de actividades cooperativizadas, dirixida ao alumnado dos centros de educación secundaria obrigatoria e educación especial:
Premio ao mellor traballo: Cotacómic, a Cómic Con do Cotarelo do IES Armando Cotarelo Valledor.
Accésit: Coidémonos+, Cooperativa Educativa do IES Moncho Valcarce.
• Modalidade de proxectos empresariais cooperativos, dirixida ao alumnado dos centros de formación profesional e de ensinanzas de réxime especial.
Premio ao mellor proxecto empresarial cooperativo: Fungal Biomaterials presentado polo alumnado do IES Fernando Wirtz Suárez.
Accésit ao proxecto empresarial finalista: Biofroita, S. Coop. Galega presentado polo alumnado do CIFP Paseo das Pontes.
