De conformidade coa dilixencia de ordenación do 28.5.2019 procédese á publicación do fallo da Sentenza ditada con data do 28 de setembro de 2018 polo Xulgado de Primeira Instancia número 5 de Ourense no procedemento ordinario 551/2017, seguido por instancia do Concello de Verín contra Elvira Rodríguez Carvajales e José Luis Rodríguez Carvajales, cuxo teor literal é o seguinte:

Estimar a demanda interposta polo Concello de Verín representado pola procuradora Sra. Nesperiera en substitución do seu compañeiro o procurador Sr. Álvarez Blanco, e como demandados Elvira e José Luis Rodríguez Carvajales en situación de rebeldía procesual, e condeno os demandados a aboar solidariamente á demandante a cantidade de 6.043,4 euros máis os xuros segundo o fundamento xurídico terceiro in fine e custas.

Contra a sentenza cabe recurso de apelación, que se interporá ante o tribunal que ditase a resolución que se impugne dentro do prazo de vinte días contados desde o día seguinte ao da notificación daquela.

Verín, 5 de xuño de 2019

Gerardo Seoane Fidalgo
Alcalde