En sesión que tivo lugar o día 5 de xuño de 2019, o tribunal nomeado pola Orde do 16 de abril de 2018 (DOG núm. 82, do 27 de abril) para cualificar o proceso selectivo para o ingreso no corpo facultativo de grao medio de Administración especial da Administración xeral da Comunidade Autónoma de Galicia, subgrupo A2, escala de enxeñeiros técnicos, especialidade de enxeñaría técnica industrial, á vista da Resolución do conselleiro de Facenda, do 30 de abril de 2019, pola que resolve o recurso de alzada presentado polo aspirante Joaquín Fabeiro Beiro, DNI ***8820**, contra a Resolución do 24 de xaneiro de 2019, do tribunal designado para xulgar o proceso selectivo convocado pola Orde do 12 de abril de 2016 para o ingreso no corpo facultativo de grao medio de Administración especial da Administración xeral da Comunidade Autónoma de Galicia, subgrupo A2, escala de enxeñeiros técnicos industriais, pola que se dá publicidade a diversos acordos (DOG do 1 de febreiro), cuxo contido se transcribe textual:
«Estimar parcialmente o recurso de alzada formulado por Joaquín Fabeiro Beiro, DNI ***8820**, contra a Resolución do 24 de xaneiro de 2019, do tribunal designado para xulgar o proceso selectivo para o ingreso no corpo facultativo de grao medio de Administración especial da Administración xeral da Xunta de Galicia, subgrupo A2, escala de enxeñeiros técnicos, especialidade de enxeñaría técnica industrial, convocado pola Orde do 12 de abril de 2016 pola que se dá publicidade a diversos acordos, no sentido de modificar a puntuación asignada ao aspirante no segundo exercicio da fase de oposición, que pasa a ser de 10,3667 puntos».
ACORDOU:
Primeiro. Modificar a puntuación asignada ao aspirante Joaquín Fabeiro Beiro, DNI ***8820**, no segundo exercicio da fase de oposición, que pasa a ser de 10,3667 puntos, consonte o contido na resolución do recurso que se cita.
Segundo. Publicar a puntuación obtida polo aspirante Joaquín Fabeiro Beiro, DNI ***8820**, presentado ao segundo exercicio, no lugar onde se realizou o exercicio e no portal web corporativo funcionpublica.xunta.gal.
Terceiro. De conformidade co disposto na base III.13 da orde da convocatoria, contra esta resolución poderase interpoñer recurso de alzada, perante o conselleiro competente en materia de función pública, nos termos previstos nos artigos 121 e 122 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 6 de xuño de 2019
Blanca Nieves Miranda Blanco
Presidenta do tribunal
