Cumpridos os trámites previstos na Lei 6/2017, do 12 de decembro, de portos de Galicia, acordouse, en virtude do indicado no seu artigo 70.13, dar publicidade ás resolucións, que poñen fin á vía administrativa, dos outorgamentos das seguintes concesións en dominio público portuario, con suxeición ás condicións estipuladas nos pregos de condicións correspondentes:
Data da resolución: 3.5.2019.
Tipo de trámite: prórroga.
Código da concesión: 13-34-02-C-1.
Obxecto da concesión: o desenvolvemento das actividades portuarias inherentes á explotación e xestión da lonxa.
Porto: Vilaboa.
Concesionario: confraría de pescadores Pedra de Oliveira.
Prazo da concesión: 5 anos.
Taxas que se deben devindicar a Portos de Galicia: 405,59 € anuais (IVE excluído) en concepto de taxas de ocupación do dominio público portuario e 0,0015 € por quilogramo de pesca vendida na lonxa anuais en concepto de actividades comerciais, industriais e de servizos.
Superficie concedida no título concesional: 150,00 m².
Investimento que debe realizar o concesionario: 0,00 €.
Data da resolución: 8.5.2019.
Tipo de trámite: prórroga de concesión no dominio público portuario.
Código da concesión: 12-31-11-C-2.
Obxecto da concesión: ocupación de terreos de dominio público portuario con destino á ocupación dunha caseta anexa á lonxa, para almacén de aparellos de pesca.
Porto: Muxía.
Concesionario: Ana C.B.
Prazo da concesión: 2,5 anos.
Taxas que se deben devindicar a Portos de Galicia: 942,86 € anuais (IVE excluído) en concepto de taxas de ocupación do dominio público portuario e o 1 % do importe neto da cifra anual de negocio anual en concepto de actividades comerciais, industriais e de servizos.
Superficie concedida no título concesional: 60,56 m².
Investimento que debe realizar o concesionario: 0,00 €.
Contra os citados actos administrativos que esgotan a vía administrativa cabe interpor recurso contencioso-administrativo ante o Xulgado do Contencioso-Administrativo de Santiago de Compostela no prazo de dous (2) meses, contados a partir do día seguinte ao da publicación da resolución facendo público o outorgamento.
Non obstante, os interesados poderán interpor contra esta resolución recurso potestativo de reposición, no prazo dun (1) mes contado a partir do día seguinte ao desta publicación, ante o mesmo órgano que a ditou, de acordo co disposto no artigo 123 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 27 de maio de 2019
Juan José Durán Hermida
Presidente de Portos de Galicia