Visto o expediente para outorgamento de autorización administrativa e autorización administrativa de construción da instalación eléctrica que a seguir se describe:

Solicitante: Construcciones Fechi, S.L.U.

Domicilio social: O Carbón, s/n, Atios, 36418 O Porriño.

Deniminación: LMTS ata a parcela do centro de saúde.

Situación: Salceda de Caselas.

Características técnicas: LMT subterránea a 20 kV, con conductor RHZ1, de 122 metros de lonxitude, con orixe no centro de transformación existente Dafón 4 e final na arqueta A-4, situada na beirarrúa da parcela do centro de saúde. A instalación está situada na rúa Mártires de Sobredo, Salceda de Caselas.

Cumpridos os trámites ordenados na Lei 24/2013, do 26 de decembro, do sector eléctrico, e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e na Resolución da Consellería de Economía e Industria do 19 de febreiro de 2014, pola que se aproba o procedemento de autorización administrativa de construcción (DOG nº 54, do 19 de marzo), esta xefatura territorial, resolve:

Conceder autorización administrativa e autorización administrativa de construción para a devandita instalación, cuxas características se axustarán en todas as súas partes ás que figuran no proxecto de execución e ás condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan no expediente.

Esta autorización outórgase sen prexuizo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras da instalación autorizada.

Contra a presente resolución poderase interpoñer recurso de alzada ante o conselleiro de Economía, Emprego e Industria no prazo dun mes contado a partir do día seguinte ao da notificación desta resolución; tamén poderá interpoñer calquera outro recurso que se considere pertinente ao seu dereito.

Pontevedra, 1 de abril de 2019

Ignacio Rial Santomé
Xefe territorial de Pontevedra