Eu, María Mercedes Santos García, letrada da Administración de xustiza do Xulgado do Social número 6 da Coruña, fago saber que no procedemento de execución de títulos xudiciais 48/2018, seguido por instancia de Nerea Patiño Fariña contra David Miguélez Ordóñez, sobre reclamación de cantidade, se ditou o Decreto do 14 de marzo de 2019 polo cal se declarou o executado en situación de insolvencia provisional e se acordou o arquivamento das actuacións, e contra o cal se pode interpor recurso directo de revisión no prazo de tres días. No dito órgano xudicial os interesados poderán ter coñecemento íntegro da resolución.

Para que sirva de notificación en legal forma a David Miguélez Ordóñez, en ignorado paradoiro, expido este edicto para a súa inserción no Diario Oficial de Galicia.

Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 30 de abril de 2019

A letrada da Administración de xustiza