Con data do 22 de novembro de 2018, o secretario xeral técnico da Consellería de Sanidade acordou a incoación do procedemento sancionador PSC/2018/47 por infracción en materia sanitaria, do cal se ditou a Resolución o 15 de abril de 2019.
Intentada a notificación a persoa interesada no enderezo coñecido, esta foi devolta polo servizo de Correos por estar ausente ou resultar descoñecida a persoa destinataria.
De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, tentada a notificación da resolución do procedemento sancionador PSC/2018/47 sen poderse realizar, esta farase mediante publicación dun anuncio no Boletín Oficial del Estado, o cal se poderá publicar previamente, con carácter potestativo, no Diario Oficial de Galicia.
En concordancia co anterior, por medio deste anuncio notifícaselle á persoa que se relaciona no anexo a resolución ditada. Segundo establece o artigo 46 da citada lei, a persoa interesada dispón dun prazo de dez (10) días, contados desde o día seguinte ao da publicación deste anuncio no Boletín Oficial del Estado, para examinar o expediente na Subdirección Xeral de Inspección, Auditoría e Acreditación de Servizos Sanitarios, situada no Edificio Administrativo San Lázaro, s/n, en Santiago de Compostela.
Para que conste e lle sirva de notificación á persoa interesada, asino e selo este anuncio.
Santiago de Compostela, 10 de maio de 2019
Alberto Fuentes Losada
Secretario xeral técnico da Consellería de Sanidade
ANEXO
Número do expediente: PSC/2018/47.
NIF: 35275618N.
Último enderezo coñecido: avenida de Montero Ríos, nº 51, 2º. 36930 Bueu.