De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas (BOE do 2 de outubro), logo de intentada a notificación de acordo co artigo 40 da citada Lei 39/2015 sen que esta se puidese practicar, emprázase a interesada que se sinala no anexo para ser notificada por comparecencia.
A comparecencia deberá efectuarse no prazo de dez (10) días contados desde o seguinte ao da publicación deste anuncio no BOE (Boletín Oficial del Estado), ante a Sección de Minas da Xefatura Provincial da Consellería de Economía, Emprego e Industria de Pontevedra, con enderezo na avenida María Victoria Moreno, 43, 36003 Pontevedra, das 9.00 ás 14.00 horas, de luns a venres.
Transcorrido o dito prazo sen efectuarse a comparecencia, a notificación entenderase producida desde o día seguinte ao do vencemento do prazo sinalado para comparecer.
Pontevedra, 26 de abril de 2019
Ignacio Rial Santomé
Xefe territorial de Pontevedra
ANEXO
Interesada: Gravas e Áridos do Louro, S.L.
NIF: B36272334.
Acto notificado: resolución de caducidade e abandono definitivo de labores da concesión de explotación derivada de permiso de investigación Cillarga nº 2668 (PO/C/02668), nos termos municipais de Ponteareas e Mos, provincia de Pontevedra.