Exp. núm. 822.2018.

A Xunta de Goberno Local do Concello de Vila de Cruces, na sesión ordinaria que tivo lugar o día 9 de abril de 2019, adoptou, entre outros, o seguinte acordo:

Primeiro. Confirmar a aprobación inicial producida por silencio administrativo do estudo de detalle en solo urbano de media densidade. Vía de nova apertura entre o número 59 e 63 da rúa Manuel Iglesias de Vila de Cruces, co fin de reaxustar as aliñacións establecidas nas normas subsidiarias municipais; presentado por iniciativa de José Santiso Lorenzo e María del Carmen Torreiro Penas (RE 2597, do 24.8.2018), versión en formato electrónico (RE nº 2018-E-RC-2914, do 28 de setembro de 2018).

Segundo. Abrir un período de información pública durante o prazo un mes, mediante anuncios, por conta dos promotores, no Diario Oficial de Galicia e no xornal Faro de Vigo. Durante o dito período quedará o expediente á disposición de calquera persoa que queira examinalo ou obter copias para efectos da presentación das alegacións que se consideren pertinentes. O expediente completo pode consultarse nas dependencias municipais e o documento aprobado inicialmente, na sede electrónica deste concello (portal de transparencia > normativa> proxectos en tramitación), na seguinte ligazón: https://viladecruces.sedelectronica.es/transparency/0291e56b-176d-4ade-b38a-02719500470a/.

Terceiro. Notificar individualmente o trámite de información pública a todas as persoas titulares catastrais dos terreos que resulten afectados.

Cuarto. Solicitar ás administracións afectadas pola súa competencia sectorial para que emitan o correspondente informe para os efectos regulados na lexislación sectorial.

O que se publica a fin de que, durante o prazo dun mes, contado a partir do día seguinte ao da publicación deste anuncio, os interesados poidan consultar o expediente e formular as alegacións que xulguen oportunas. A documentación sometida a exposición pública estará á disposición de calquera persoa na sede electrónica deste concello [https://viladecruces.sedelectronica.es/], no portal de transparencia [2. Normativa-2.2 Proxectos en tramitación].

Vila de Cruces, 15 de abril de 2019

Jesús Otero Varela
Alcalde