De conformidade co disposto nos artigos 44 e 46 da Lei 39/2015, do procedemento administrativo común das administracións públicas, se notifica á mercantil Armadora Parleros, S.L., con CIF *****2340, en tanto que propietaria do vehículo camión marca MAN, modelo 181924X2, con matrícula 4221BTS, o seguinte requirimento por non ser posible a notificación a través do servizo de Correos.

Segundo denuncia da policía portuaria do porto de Ribeira, o vehículo que se identifica atópase estacionado en estado de abandono no porto de Ribeira desde hai máis dun ano.

Considerando o exposto, e toda vez que na zona onde se atopa o vehículo a entidade pública Portos de Galicia é a Administración competente en materia de xestión de tráfico, de conformidade co disposto no artigo 106 do Real decreto lexislativo 6/2015, do 30 de outubro, que aproba o texto refundido da Lei sobre tráfico, circulación de vehículos de motor e seguridade vial, requírese o titular para que nun prazo máximo dun mes contado desde a publicación da presente cédula no Boletín Oficial del Estado, proceda a retirar o vehículo da zona de servizo do porto de Ribeira.

No caso de incumprirse o presente requirimento, Portos de Galicia, sen mais trámites, daralle ao vehículo tratamento de residuo, e procederá en consecuencia ao seu traslado a un centro autorizado de tratamento de vehículos para a súa posterior destrución e descontaminación.

O anterior enténdese sen prexuízo das sancións administrativas que procedan en dereito.

Así mesmo, este anuncio publicarase no Diario Oficial de Galicia, ben que, a eficacia do acto notificado quedará supeditada á súa publicación no BOE.

Santiago de Compostela, 22 de abril de 2019

José Ignacio Villar García
Director de Portos de Galicia