En cumprimento do previsto no ordinal quinto da Instrución 4/2011, do 24 de marzo, da Xunta Electoral Central, de interpretación do artigo 66 da LOREG no relativo a recursos contra os plans de cobertura informativa da campaña electoral, disponse a publicación no Diario Oficial de Galicia da comunicación do director do Centro Territorial da Corporación de Radio e Televisión Española en Galicia, do 3 de maio de 2019, dos plans de cobertura informativa da Corporación de RTVE, TVE-RNE para as eleccións convocadas para o próximo día 26 de maio de 2019 (eleccións ao Parlamento Europeo e eleccións locais), que inclúen a previsión de informativos territoriais e entrevistas que se realizarán coas forzas políticas e que emitirán ambos os medios, con indicación da data e hora de emisión, entidades políticas ás cales se convida e a súa duración.
De conformidade co establecido na mencionada instrución, as entidades políticas afectadas poderán examinar a dita programación nas dependencias desta xunta electoral provincial, no prazo preclusivo dun día desde a publicación do acordo, e formular as reclamacións ou os recursos que consideren pertinentes.
Así mesmo, independentemente do anterior, acórdase notificar os representantes das candidaturas proclamadas con dereito a emisión, vía correo electrónico e con remisión do plan, co fin de que poidan ter coñecemento del e, de ser o caso, formular as reclamacións ou recursos que consideren oportunos no indicado prazo dun día, contado desde a publicación do acordo no DOG.
O presente acordo publicarase no Diario Oficial de Galicia en virtude do disposto no artigo 18.6 da LOREG e no ordinal quinto da referida Instrución 4/2011.
A Coruña, 3 de maio de 2019
Lorenzo Villalpando Lucas
Secretario da Xunta Electoral Provincial da Coruña