De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, e dado que non foi posible practicar a notificación,

DISPOÑO:

Primeiro. Notificar mediante esta cédula aos herdeiros de Consuelo de la Torre Valcarce o Acordo do 31 de xaneiro de 2019 que fixa o prezo xusto do predio número 8, sito en Monforte de Lemos, relativo ao proxecto 01775 (expediente 2018/000902), cuxos datos se relacionan no anexo.

Segundo. Contra estas resolucións, que esgotan a vía administrativa, as persoas interesadas poderán interpoñer recurso potestativo de reposición, ante o mesmo órgano que as ditou, no prazo dun mes contado desde o día seguinte ao da notificación ou publicación desta cédula no taboleiro de edictos único (TEU) do Boletín Oficial del Estado (BOE), de acordo co previsto nos artigos 123 e 124 da Lei 39/2015. As persoas interesadas poderán tamén interpoñer directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ao da notificación ou publicación desta cédula no TEU do BOE, de conformidade cos artigos 10.1.i), 14.1 e 46 da Lei 29/1998, do 13 de xullo, reguladora da xurisdición contencioso-administrativa. A interposición do recurso potestativo de reposición impide a interposición simultánea do recurso contencioso-administrativo, que non poderá interpoñerse ata que sexa resolto o recurso de reposición ou se entenda presuntamente desestimado. O texto íntegro do acordo referido nesta cédula está á disposición dos interesados nas dependencias do Xurado de Expropiación de Galicia, con enderezo na rúa Avelino Pousa Antelo, 1, 15781 Santiago de Compostela.

Terceiro. A eficacia desta notificación queda supeditada á súa publicación no TEU do BOE.

Cuarto. En consecuencia, para que conste e lles sirva de notificación ás persoas expropiadas, expido e asino esta cédula.

Santiago de Compostela, 20 de marzo de 2019

Patricia Ulloa Alonso
Presidenta do Xurado de Expropiación de Galicia

ANEXO

Proxecto para o cal se expropia: 01775-LMT, CT, RBT derivada Fiolleda-Figueira. Expediente 003/2016 AT. Tm Monforte de Lemos.

Nº de expediente: 2018/000902.

Persoa que se vai a notificar: herdeiros de Consuelo de la Torre Valcarce.

Expropiante: Consellería de Economía, Emprego e Industria. Xefatura Territorial de Lugo.

Expropiados: herdeiros de Consuelo de la Torre Valcarce.

Beneficiaria: Unión Fenosa Distribución, S.A.

Predio nº: 8.

Concello: Monforte de Lemos.

Provincia: Lugo.

Valoración da resolución do Xurado: 350,57 €.