Nas datas que para o efecto se indican no anexo rexistráronse nesta dirección xeral as reclamacións que, así mesmo, se sinalan para a súa tramitación pola Xunta Arbitral de Transportes de Galicia. Xa que logo, e segundo o disposto no artigo 9.3 do Real decreto 1211/1990, do 28 de setembro, polo que se aproba o Regulamento da Lei de ordenación de transportes terrestres, acordouse a citación de ambas as dúas partes para unha vista oral. O artigo 9.6 da mesma norma establece que «en relación coas notificacións ás partes, que serán realizadas pola Secretaría das xuntas, será de aplicación a lexislación de procedemento administrativo», polo que esta secretaría intentou facer a notificación presencial do dito acordo consonte o artigo 42.2 da Lei 39/2015, do 1 de outubro, do procedemento administrativo común. Porén, a notificación non puido ser completada para unha ou varias das partes.

En consecuencia, e segundo o disposto no artigo 44 da mesma lei, por medio deste anuncio notifícaselles ás persoas ou entidades interesadas o contido esencial das citacións, o cal figura no anexo. De acordo co mesmo artigo, e sen prexuízo da súa publicación no Diario Oficial de Galicia, a eficacia deste anuncio queda supeditada á súa publicación no Boletín Oficial del Estado.

A documentación relativa ás reclamacións está á disposición das partes na Secretaría da Xunta Arbitral de Transportes de Galicia (teléfonos de contacto 981 54 45 65 e 881 99 50 76).

Santiago de Compostela, 27 de marzo de 2019

David Conde Varela
Secretario da Xunta Arbitral de Transportes de Galicia

ANEXO

Información común para todos os expedientes:

– No caso de persoas ou entidades que teñan a consideración de reclamantes, a súa comparecencia a esta vista é obrigatoria, de maneira que se non asisten se terán por desistidos/as na súa reclamación. Non obstante, se asiste a parte reclamada e se opón a ese arquivamento, celebrarase a vista mesmo na súa ausencia se a Xunta Arbitral así o acorda (artigo 9.5 do Real decreto 1211/1990, do 28 de setembro).

– No caso de persoas ou entidades que ocupen a posición de reclamadas, a súa incomparecencia non impedirá que se celebre a vista nin que se dite o laudo. En caso de incomparecencia da parte reclamante, a reclamación arquivarase sen máis trámite, agás que a parte reclamada asista e se opoña ao dito arquivamento. Nese caso, celebrarase a vista igualmente se a Xunta Arbitral así o acorda.

– Sen prexuízo do anterior, a comparecencia de calquera das dúas partes poderase facer persoalmente ou por medio de representante, acreditando, neste último suposto, a representación con que se afirma actuar. En calquera dos dous casos, a persoa que asista ao acto da vista deberá presentar o seu DNI ou outro documento fidedigno acreditativo da súa identidade.

– Así mesmo, as persoas que acudan á vista oral deberán ir provistas de todos os documentos que permitan xustificar aquilo que aleguen na súa defensa, e poderán achegar calquera outra proba que consideren oportuna.

Expediente Data de rexistro	Reclamante(s)	Reclamado(s)	Parte pendente de notificar Último enderezo coñecido NIF	Data, hora e lugar da vista oral
XA 499-18 30.10.2018	Rubén Amor Becerra	Francisco Luis Rodríguez Collantes (Isletrans)	Francisco Luis Rodríguez Collantes (Isletrans) R/ Moreras, 3 - nave 17 P.E. - Camporrosso Sur - Ciempozuelos 28350 Madrid NIF ***7463**	11.6.2019 4.20 PM horas Xunta de Galicia – sala E (Edificio Pirámide) – San Caetano, s/n – Santiago de Compostela
XA 32-18 6.2.2018	Hugetrans Logistics, S.L.	Manuel Álvarez Rodríguez (Trans Álvarez Vigo)	Manuel Álvarez Rodríguez (Trans Álvarez Vigo) Rúa Xeme, 61, Bembrive - Vigo 36214 Pontevedra NIF ***5135**	28.5.2019 5.00 PM horas Xunta de Galicia – sala E (Edificio Pirámide) – San Caetano, s/n – Santiago de Compostela
XA 429-18 3.8.2018	Transportes Crespo y Cousido, S.L.	Javier Rodríguez Míguez	Javier Rodríguez Míguez O Mosteiro, 28 A - Pazos de Borbén 36842 Pontevedra NIF ***0002**	28.5.2019 5.10 PM horas Xunta de Galicia – sala E (Edificio Pirámide) – San Caetano, s/n – Santiago de Compostela
XA 459-18 9.8.2018	Granxatrans Porriño, S.L.	Víctor Carrera Padilla	Víctor Carrera Padilla R/ Estrecha, 6, Parada de Ribeira - Xinzo de Limia 32635 Ourense NIF ***8270**	28.5.2019 5.20 PM horas Xunta de Galicia – sala E (Edificio Pirámide) – San Caetano, s/n – Santiago de Compostela
XA 475-18 11.7.2018	Seur Geopost, S.L.U.	Mohamed Nouri (Comercial Florida)	Mohamed Nouri (Comercial Florida) R/ San Sebastián, 21 - Xinzo da Limia 32630 Ourense NIF ***7195**	28.5.2019 5.30 PM horas Xunta de Galicia – sala E (Edificio Pirámide) – San Caetano, s/n – Santiago de Compostela