O Pleno municipal de Bergondo na súa sesión ordinaria do 28 de febreiro de 2019, acordou aprobar inicialmente a modificación puntual sétima das normas subsidiarias de Bergondo. «Corrección de erros materiais», documento para aprobación inicial. Xaneiro de 2019, redactado pola arquitecta María Ríos Carballeira. O que se fai público para xeral coñecemento.

O instrumento de planeamento e o expediente sométense a información pública durante o prazo de dous meses, mediante anuncio no Diario Oficial de Galicia e nun dos xornais de maior difusión da provincia, de conformidade co previsto no artigo 60.6 da Lei 2/2016, do solo de Galicia.

Durante o citado prazo, contado a partir do día seguinte ao da publicación deste anuncio no Diario Oficial de Galicia, poderanse formular as alegacións que se consideren pertinentes.

O expediente poderá ser consultado, mediante ligazón na páxina web do Concello (http://bergondo.gal/) ou mediante consulta nas oficinas do Departamento de Urbanismo e Medio Ambiente municipal, de luns a venres, das 9.00 ás 14.00 horas.

Esta aprobación inicial da modificación das normas subsidiarias de planeamento non comporta a suspensión de licenzas de ningún tipo, por non afectar a clasificación, a cualificación urbanística, os parámetros das ordenanzas e o aproveitamento urbanístico.

Bergondo, 14 de marzo de 2019

Alejandra Pérez Máquez
Alcaldesa