De conformidade coa proposta elevada pola comisión nomeada para xulgar o concurso para a provisión da praza dos corpos docentes universitarios, convocada mediante Resolución conxunta desta universidade e do Servizo Galego de Saúde, do 12 de novembro de 2018 (BOE do 28 de novembro), e presentada pola persoa interesada a documentación a que fai referencia a base oitava da convocatoria.

Esta reitoría, no uso das atribucións conferidas polo artigo 65 da Lei orgánica 6/2001, do 21 de decembro, de universidades, modificada pola Lei orgánica 4/2007, do 12 de abril (BOE do 13 de abril), e o artigo 85 dos estatutos da Universidade de Santiago de Compostela, aprobados polo Decreto 14/2014, do 30 de xaneiro (DOG do 12 de febreiro) e demais disposicións concordantes, resolveu efectuar os nomeamentos que se relacionan no anexo.

Este nomeamento producirá plenos efectos a partir da correspondente toma de posesión pola persoa interesada, que se deberá efectuar no prazo máximo de vinte (20) días contados desde o día seguinte ao da publicación desta resolución no Boletín Oficial del Estado.

Contra esta resolución, que esgota a vía administrativa, poderase interpor recurso contencioso-administrativo, perante o Xulgado do Contencioso-Administrativo de Santiago de Compostela, no prazo de dous meses contados desde o seguinte ao da súa publicación no Boletín Oficial del Estado, de conformidade co disposto na Lei 29/1998, do 13 de xullo, reguladora da xurisdición contencioso-administrativa. Non obstante, os interesados poderán interpor recurso potestativo de reposición no prazo dun mes, perante o órgano que ditou o acto, sen que neste caso se poida interpor o recurso contencioso-administrativo ata que non se dicte resolución expresa ou presunta do recurso administrativo de reposición conforme o previsto nos artigos 123 e 124 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 20 de marzo de 2019

Antonio López Díaz
Reitor da Universidade de Santiago de Compostela

ANEXO

Nº concurso: 2400-V/18
Código praza:	A00580
Apelidos e nome:	Lado Abeal, José Joaquín
DNI/NIE	3263****H
Corpo:	Catedrático de universidade vinculado, coa categoría asistencial de facultativo especialista de área
Especialidade:	Endocrinoloxía e Nutrición
Área de coñecemento:	Medicina
Departamento:	Psiquiatría, Radioloxía, Saúde Pública, Enfermaría e Medicina
Institución sanitaria:	Complexo Hospitalario Universitario de Santiago de Compostela
Localidade:	Santiago de Compostela