Eu, María Mercedes Santos García, letrada da Administración de xustiza do Xulgado do Social número 6 da Coruña, fago saber que no procedemento de execución de títulos xudiciais 56/2018, seguido por instancia de Sara Rey López contra Roberto Cabero Marques, sobre execución da Sentenza número 218/2018, do 10 de outubro de 2018, se ditaron o Auto en que se despacha execución e o Decreto de embargo, do 11 e do 12 de febreiro de 2019, respectivamente, contra os cales pode interpor recurso de reposición e de revisión directo, respectivamente, no prazo de tres días. No dito órgano xudicial os interesados poderán ter coñecemento íntegro de ambas as resolucións.

Para que sirva de notificación e requirimento en legal forma a Roberto Cabero Marques, en ignorado paradoiro, expido este edicto para a súa inserción no Diario Oficial de Galicia.

Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 28 de febreiro de 2019

A letrada da Administración de xustiza