O Pleno da Corporación, na sesión ordinaria que tivo lugar o día 17 de xaneiro de 2019, adoptou, entre outros, o seguinte acordo:
– Aprobar definitivamente a modificación puntual do Catálogo do Plan xeral de ordenación municipal: corrección de erros na ficha D-061 (casa na Lavacolla) e creación das fichas D-061 (a), D-061 (b-c) e D-061 (d), sen modificacións respecto da provisionalmente aprobada.
O acordo de aprobación definitiva publicarase no Diario Oficial de Galicia e a normativa e as ordenanzas publicaranse no Boletín Oficial da provincia.
Así mesmo, remitirase á Consellería de Medio Ambiente, Territorio e Vivenda a documentación exixida polo artigo 88.3 da LSG, para os efectos de inscribir a modificación no Rexistro de Planeamento Urbanístico de Galicia.
En todo caso, e de conformidade co exixido polo artigo 199.4 do RLSG, a eficacia do acto de aprobación definitiva e a entrada en vigor do plan quedan condicionados ao cumprimento dos anteriores trámites e ao sinalado no artigo 70.2 da Lei 7/1985, do 2 de abril, reguladora das bases do réxime local, en relación co 65.4 da mesma lei.
Así mesmo, notificaráselles persoalmente o acordo ás persoas que formularon alegacións e daráselles traslado do acordo de aprobación provisional.
Contra o acordo da aprobación definitiva da citada modificación puntual do PXOM poderase interpoñer directamente recurso contencioso-administrativo, ante o Tribunal Superior de Xustiza de Galicia, no prazo de dous meses contados a partir do día seguinte ao da publicación deste anuncio.
Santiago de Compostela, 11 de febreiro de 2019
O alcalde
P.D. (Decreto do 28.6.2017)
Jorge Duarte Vázquez
Concelleiro delegado de Espazos Cidadáns, Dereito á Vivenda
Mobilidade e Relacións Veciñais