O nomeamento de rexistradores da propiedade, mercantís e de bens mobles que desempeñen funcións en Galicia é competencia desta comunidade autónoma, segundo o disposto no artigo 26.1 do Estatuto de autonomía de Galicia, aprobado pola Lei orgánica 1/1981.
Visto o expediente instruído para a provisión de rexistros da propiedade, mercantís e de bens mobles vacantes en virtude de concurso ordinario número 302 convocado mediante a Resolución da Dirección Xeral dos Rexistros e do Notariado, do 28 de xaneiro de 2019 (BOE do 4 de febreiro), e resolto pola Resolución do 28 de febreiro de 2019, e de conformidade cos artigos 284 da Lei hipotecaria, 496 e demais concordantes do Regulamento para a súa execución, co Decreto da Xunta de Galicia 74/2018, do 5 de xullo, e coas demais disposicións legais autonómicas pertinentes,
RESOLVO:
Nomear os rexistradores comprendidos na citada resolución e que no anexo se relacionan para prover os rexistros vacantes radicados no territorio da Comunidade Autónoma de Galicia.
Santiago de Compostela, 8 de marzo de 2019
Alfonso Rueda Valenzuela
Vicepresidente e conselleiro de Presidencia,
Administracións Públicas e Xustiza
ANEXO
– María Teresa Ferrín Sanmartín, rexistradora do Mercantil e de Bens Mobles de Pontevedra III, para o Rexistro Mercantil de Santiago de Compostela.
– María Alejandra Castaño Verde, rexistradora de Caldas de Reis, para o Rexistro de Vigo número 4.