Mediante Orde do 2 de xaneiro de 2019, publicada no Diario Oficial de Galicia núm. 9, do 14 de xaneiro, convocouse a provisión, polo sistema de libre designación, de varios postos de traballo vacantes na Consellería de Educación, Universidade e Formación Profesional.
De conformidade co establecido no artigo 92 da Lei 2/2015, do 29 de abril, do emprego público de Galicia, e no Decreto 93/1991, do 20 de marzo, polo que se aproba o Regulamento de provisión de postos de traballo, promoción profesional e promoción interna, e no uso das atribucións conferidas polo artigo 17.2.c) da citada lei e o artigo 17.4 do citado decreto,
RESOLVE:
Primeiro. Adxudicarlle o destino nos postos de traballo que se indica, ás persoas funcionarias de carreira que se relacionan no anexo desta orde.
Segundo. O cesamento no actual destino efectuarase, segundo o previsto no artigo 14 do citado Regulamento de provisión de postos de traballo, promoción profesional e promoción interna, no prazo de tres días contados a partir do seguinte ao da publicación desta orde no Diario Oficial de Galicia.
O prazo para a toma de posesión da praza adxudicada será de tres días hábiles contados a partir do seguinte ao do cesamento, se non implica cambio de residencia, ou de sete días hábiles se comporta cambio de residencia. No caso de que a persoa adxudicataria obteña coa súa toma de posesión o reingreso ao servizo activo, o prazo será de vinte días hábiles e computarase desde a data da publicación desta orde no Diario Oficial de Galicia.
O cómputo dos prazos posesorios iniciarase cando rematen os permisos ou licenzas que, de ser o caso, lle fosen concedidos á persoa interesada. Nos supostos de baixa temporal ou transitoria, o cómputo do prazo iniciarase a partir da correspondente alta.
Terceiro. A xefatura do centro en que cause baixa a persoa funcionaria, así como a daquel en que obteña praza, consignarán no título administrativo, dentro dos prazos sinalados no punto anterior, as dilixencias de cesamento e toma de posesión, das cales lles darán traslado, mediante copia, á Dirección Xeral da Función Pública.
Contra esta orde, que esgota a vía administrativa, as persoas interesadas poderán interpoñer recurso potestativo de reposición perante a conselleira de Educación, Universidade e Formación Profesional, no prazo dun mes contado a partir do día seguinte ao da súa publicación no Diario Oficial de Galicia, de conformidade co establecido na Lei 39/2015, do 1 de outubro, do procedemento administrativo común das administracións públicas, ou poderán impugnala directamente perante o xulgado do contencioso-administrativo competente no prazo de dous meses contados a partir da mesma data, segundo o establecido na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 22 de febreiro de 2019
A conselleira de Educación, Universidade e Formación Profesional
P.D. (Orde do 5.12.2018, DOG núm. 243, do 21 de decembro)
José Manuel Pinal Rodríguez
Director xeral de Centros e Recursos Humanos
ANEXO
Apelidos e nome: Pérez Fernández, María Eugenia.
Nº rexistro persoal: ****855835 A2060.
Corpo ou escala: superior da Administración xeral da Comunidade Autónoma de Galicia.
Subgrupo: A1.
Posto de traballo: subdirector/a xeral de Formación Profesional.
Código: ED.601.00.002.15770.001.
Nivel: 30.
Centro directivo: Dirección Xeral de Educación, Formación Profesional e Innovación Educativa.
Localidade: Santiago de Compostela.
Apelidos e nome: López Blanco, Silvia.
Nº rexistro persoal: ****017235 A2059.
Corpo ou escala: auxiliar da Administración xeral da Comunidade Autónoma de Galicia.
Subgrupo: C2.
Posto de traballo: secretario/a do/a conselleiro/a.
Código: ED.101.00.000.15770.001.
Nivel: 20.
Centro directivo: Gabinete do/a conselleiro/a.
Localidade: Santiago de Compostela.
Apelidos e nome: Botana Castro, María Elena.
Nº rexistro persoal: ****110046 A2059.
Corpo ou escala: auxiliar da Administración xeral da Comunidade Autónoma de Galicia.
Subgrupo: C2.
Posto de traballo: secretario/a.
Código: ED.101.00.000.15770.003.
Nivel: 18.
Centro directivo: Gabinete do/a conselleiro/a.
Localidade: Santiago de Compostela.
