De conformidade co disposto nos artigos 44 e 82 da Lei 39/2015, do 1 de outubro, do procedemento administrativo común das administracións públicas, notifícaselles e outórgaselles audiencia aos titulares dos establecementos que no anexo I se mencionan, no procedemento de baixa e cancelación da inscrición no Rexistro de Empresas e Actividades Turísticas da Comunidade Autónoma de Galicia.

Mediante a visita da inspección comprobouse que nos establecementos que se relacionan no anexo non se realiza nin exerce a actividade turística.

Considerando que nos expedientes non consta ningunha comunicación do cesamento da actividade, esta área provincial acordou, ao abeiro do establecido no artigo 46 da Lei 7/2011, do 27 de outubro, do turismo de Galicia, e no artigo 17 do Decreto 82/1987, do 26 de marzo, polo que se crea o Rexistro de Empresas e Actividades Turísticas da Comunidade Autónoma galega, iniciar o expediente de baixa de oficio dos establecementos relacionados no anexo.

O que se lles notifica aos titulares dos establecementos referidos no dito anexo, para que no prazo de quince (15) días poidan efectuar as alegacións que xulguen pertinentes; poderán examinar o expediente e obter copias dos documentos contidos nel na Área Provincial da Axencia Turismo de Galicia de Pontevedra.

Pontevedra, 19 de febreiro de 2019

María Ángeles Herrero Pérez
Xefa da Área Provincial de Turismo de Pontevedra

ANEXO

Establecemento: Pizza&Kebab.

Signatura: V-PO-009460.

Razón social: Abdur Rouf Shipon.

Enderezo: rúa Eduardo Pondal, 5.

Concello: Pontevedra.

Establecemento: Ondesempre.

Signatura: V-PO-007613.

Razón social: Percigueiro, S.L.

Enderezo: rúa Benito Corbal, 17.

Concello: Pontevedra.

Establecemento: Tasca As Meigas.

Signatura: V-PO-009518.

Razón social: Tasca As Meigas, C.B.

Enderezo: rúa Freixeiro, 1.

Concello: Meaño.