De conformidade coas propostas elevadas polas comisións nomeadas para xulgar os concursos para a provisión de prazas dos corpos docentes universitarios, convocados mediante resolución conxunta desta universidade e do Servizo Galego de Saúde do 12 de novembro de 2018 (BOE do 28 de novembro), e unha vez que as persoas interesadas presentaron a documentación a que fai referencia a base oitava da convocatoria,
Esta reitoría, en uso das atribucións conferidas polo artigo 65 da Lei orgánica 6/2001, do 21 de decembro, de universidades, modificada pola Lei orgánica 4/2007, do 12 de abril (BOE do 13 de abril), e o artigo 85 dos Estatutos da Universidade de Santiago de Compostela, aprobados polo Decreto 14/2014, do 30 de xaneiro (DOG do 12 de febreiro), e demais disposicións concordantes, resolveu efectuar os nomeamentos que se relacionan no anexo.
Estes nomeamentos producirán plenos efectos a partir da correspondente toma de posesión por parte das persoas interesadas, que deberá efectuarse no prazo máximo de vinte (20) días, contados desde o día seguinte ao da publicación desta resolución no Boletín Oficial del Estado.
Contra a presente resolución, que esgota a vía administrativa, poderase interpor recurso contencioso-administrativo perante o Xulgado do Contencioso-Administrativo de Santiago de Compostela no prazo de dous meses, contado desde o seguinte ao da súa publicación no Boletín Oficial del Estado, de conformidade co disposto na Lei 29/1998, do 13 de xullo, reguladora da xurisdición contencioso-administrativa. Non obstante, os interesados poderán interpor recurso potestativo de reposición no prazo dun mes perante o órgano que ditou o acto, sen que neste caso se poida interpor o recurso contencioso-administrativo ata que non se dite resolución expresa ou presunta do recurso administrativo de reposición, conforme o previsto nos artigos 123 e 124 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 20 de febreiro de 2019
Antonio López Díaz
Reitor da Universidade de Santiago de Compostela
ANEXO
Nº de concurso: 2404-V/18 |
|
Código da praza: |
C01802 |
Apelidos e nome: |
Vidal Pan, María del Carmen |
DNI/NIE |
3245****E |
Corpo: |
Profesora titular de universidade vinculada coa categoría asistencial de facultativa especialista de área |
Especialidade: |
Alergoloxía |
Área de coñecemento: |
Medicina |
Departamento: |
Psiquiatría, Radioloxía, Saúde Pública, Enfermaría e Medicina |
Institución sanitaria: |
Complexo Hospitalario Universitario de Santiago de Compostela |
Localidade: |
Santiago de Compostela |