Unha vez recibido informe favorable sobre a proposta de deslindamento con predios particulares presentada pola Comunidade de Montes Veciñais en Man Común de Oleiros, do concello de Salvaterra de Miño, e de acordo co disposto no artigo 54.1 da Lei 7/2012, do 28 de xuño, de montes de Galicia, sobre o procedemento de deslindamento de montes veciñais con propiedades particulares, acórdase sinalar para a exposición do plano e demais documentación do monte, o taboleiro de anuncios da Igrexa de Santa María de Oleiros, 36457 Salvaterra de Miño, e o Teleclub de Oleiros, 36457 Salvaterra de Miño.

Ábrese un prazo dun mes, a partir do día seguinte ao desta publicación, para que os que se conceptúen con dereito á propiedade do monte ou de parte del e os lindeiros, que desexen comparecer, presenten as alegacións e os títulos que acrediten a propiedade no Teleclub de Oleiros, 36457 Salvaterra de Miño.

O que se fai público para xeral coñecemento.

Pontevedra, 12 de febreiro de 2019

Antonio Crespo Iglesias
Xefe territorial de Pontevedra