Aprobada inicialmente a modificación puntual do Plan xeral de ordenación urbana, ordenanza 8.3 dotacional de equipamentos docente, socio cultural, administrativo, sanitario e deportivo do Concello de Ribeira, por Acordo do Pleno en sesión ordinaria que tivo lugar o día 28 de xaneiro de 2019, de conformidade co artigo 60.6 da Lei 2/2016, do 10 de febreiro, do solo de Galicia, sométese a información pública polo prazo de dous meses contados desde o día seguinte ao da publicación deste anuncio no Diario Oficial de Galicia e no xornal La Voz de Galicia.
Durante o devandito prazo poderá ser examinado por calquera interesado nas dependencias municipais para que se formulen as alegacións que se consideren pertinentes. Así mesmo, estará á disposición dos interesados na sede electrónica deste concello (www.riveira.es).
Quedan suspendidas as licenzas para a área afectada por esta modificación do Plan xeral de ordenación urbana.
A duración da suspensión é de 2 anos, aínda que se extinguirá de maneira automática cando se aprobe de maneira definitiva a modificación do plan xeral.
Ribeira, 5 de febreiro de 2019
Manuel Ruiz Rivas
Alcalde