Por Orde desta consellería do 15 de novembro de 2018 (DOG núm. 226, do 27 de novembro) convocouse a provisión, polo sistema de libre designación, de postos directivos na Fundación Pública Urxencias Sanitarias de Galicia-061.
De conformidade co establecido no artigo 59 do Decreto 206/2005, do 22 de xullo, de provisión de prazas de persoal estatutario do Servizo Galego de Saúde, e en exercicio das competencias que ten atribuídas esta consellería,
DISPOÑO:
Primeiro. Resolver a convocatoria pública efectuada por Orde desta consellería do 15 de novembro de 2018 (DOG núm. 226, do 27 de novembro) para os efectos previstos no punto 2 do artigo 59 do Decreto 206/2005, do 22 de xullo (DOG núm. 145, do 29 de xullo), de provisión de prazas de persoal estatutario do Servizo Galego de Saúde.
Segundo. Vista a proposta realizada polo padroado da Fundación en sesión que tivo lugar o 8 de febreiro de 2019, seleccionar e nomear, para o desempeño dos postos que se indican, as persoas que figuran no anexo desta orde.
Terceiro. Contra a presente orde, que pon fin á vía administrativa, poderase interpoñer recurso contencioso-administrativo no prazo de dous meses, contados a partir do día seguinte ao da súa publicación, ante o xulgado do contencioso-administrativo competente de conformidade co establecido nos artigos 8, 14 e 46 da Lei 29/1998, do 13 de xullo, reguladora da xurisdición contencioso-administrativa. Potestativamente, e con carácter previo, poderase interpoñer recurso administrativo de reposición ante este órgano directivo, no prazo dun mes a partir do día seguinte ao da súa publicación, segundo o disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 11 de febreiro de 2019
Jesús Vázquez Almuíña
Conselleiro de Sanidade
ANEXO
Posto: director/a.
Nome e apelidos: José Manuel Flores Arias.
DNI (*): *****899X.
Posto: director/a Asistencial.
Nome e apelidos: Adriana Regueira Pan.
DNI (*): *****867H.
Posto: director/a de Coordinación.
Nome e apelidos: Román Gómez Vázquez.
DNI (*): *****738B.
* O DNI amósase cifrado co fin de protexer os datos de carácter persoal.