De conformidade coa normativa da Unión Europea reguladora dos fondos europeos procédese a dar publicidade ao cofinanciamento europeo, para os efectos do cumprimento da obriga de información e publicidade establecida na dita regulación, da seguinte actuación:
1. Entidade adxudicadora.
Entidade Pública: Augas de Galicia.
Dependencia que tramita o expediente: contratación.
Tipo de contrato: servizo.
Tramitación: ordinaria.
Procedemento: contrato menor.
2. Obxecto do contrato.
Título: determinación de perímetros de protección para captacións de auga subterránea no marco do proxecto Life Water Way.
Clave do expediente: GA.18067.
CPV (referencia de nomenclatura): 71313000-5.
Orzamento base: importe neto: 14.958,30 euros. Importe total: 18.099,54 euros.
Prazo de execución: 6 meses.
Importe da oferta: importe neto: 14.458,30 euros. Importe total: 17.494,54 euros.
Contratista: Fundación Universidade da Coruña.
3. Cofinanciamento da Unión Europea.
A actuación referida no punto 2 cofinanciaranse coa contribución do instrumento financeiro Life da Unión Europea, que poderá alcanzar ata a porcentaxe máxima do 50 % dos gastos do proxecto, a través dos fondos Life Medio Ambiente e eficiencia no uso dos recursos.
O programa Life é o instrumento da Unión Europea para o desenvolvemento de accións sobre o ambiente e o clima, coa finalidade de achegar solucións e melloras prácticas para «vivir ben, respectando os límites do noso planeta».
En dita liña de eco-innovación, o obxectivo do proxecto Life Water Way é sinxelo: dotar de abastecemento de auga potable o Camiño Inglés, como exemplo de mitigación dos impactos ambientais derivados do consumo de auga embotellada nas sendas naturais e itinerarios culturais europeos.
Santiago de Compostela, 1 de febreiro de 2019
Presidenta de Augas de Galicia
P.D. (Resolución do 30.1.2012; DOG núm. 21, do 31 de xaneiro)
Teresa María Gutiérrez López
Directora de Augas de Galicia