DOG 36 do 20/02/2019 - ACORDO do 12 de decembro de 2018 polo que se somete a información pública a tramitación dunha modificación substancial por ampliación de prazo extraordinario e execución de obras da concesión administrativa outorgada a Depuradora de Moluscos La Sirena, S.A., con destino á construción de estación depuradora e centro de expedición de moluscos no dominio público portuario de Tragove (expediente 13-36-00-C2).

VI. Anuncios

a) Administración autonómica

Portos de Galicia

ACORDO do 12 de decembro de 2018 polo que se somete a información pública a tramitación dunha modificación substancial por ampliación de prazo extraordinario e execución de obras da concesión administrativa outorgada a Depuradora de Moluscos La Sirena, S.A., con destino á construción de estación depuradora e centro de expedición de moluscos no dominio público portuario de Tragove (expediente 13-36-00-C2).

Estase a tramitar unha modificación substancial por ampliación de prazo extraordinario da concesión administrativa outorgada a Depuradora de Moluscos La Sirena, S.A., para construción de estación depuradora e centro de expedición de moluscos no dominio público portuario de Tragove. Así como a tramitación das obras descritas no proxecto básico de ampliación e reforma dunha depuradora, redactado polo enxeñeiro industrial David Trillo Sendón, en marzo de 2018.

O que se fai público para os efectos previstos no artigo 70.2 da Lei 6/2017, do 12 de decembro, de portos de Galicia (DOG núm. 236, do 14 de decembro), para que as persoas e entidades interesadas poidan examinar o expediente e presentar por escrito as alegacións que consideren oportunas nas oficinas da Zona Sur de Portos de Galicia, sitas na rúa Víctor Saíd Armesto, 1-1º, 36002 Pontevedra, no prazo de vinte (20) días hábiles, contados a partir do seguinte ao da publicación do presente anuncio no Diario Oficial de Galicia.

Pontevedra, 12 de decembro de 2018

José Ignacio Villar García
Director xeral de Portos de Galicia