A Xunta de Goberno Local en sesión que tivo lugar o día 30 de xaneiro de 2019, aprobou inicialmente o estudo de detalle para a concreción das condicións estéticas e de composición do volume edificatorio da parcela H.4 (antigo bloque 1) do parque empresarial As Gándaras, que modifica o anterior estudo de detalle aprobado definitivamente polo Acordo plenario do 4 de maio de 2015, redactado polo arquitecto Arturo Silvosa Pérez e o enxeñeiro industrial José Luis Valado Viéitez e solicitado por Jorge Fernández Herbón, en representación de Desguaces Herbón, S.L.
Conforme o previsto nas disposicións vixentes, sométese a información pública polo prazo dun mes durante o cal poderá ser examinado no Servizo de Urbanismo deste concello (rolda da Muralla, nº 197), e poderán presentarse as reclamacións ou suxestións que se desexen.
Lugo, 8 de febreiro de 2019
A alcaldesa
P.D. (Decreto número 16008543)
Xosé Daniel Piñeiro Villares
Tenente alcalde delegado da Área de Desenvolvemento
Sustentable e Persoal