No Boletín Oficial da provincia de Pontevedra (BOP) número 248, do venres 28 de decembro de 2018, publicáronse as bases xerais e específicas que rexen a convocatoria para o proceso selectivo para a cobertura dunha praza vacante de sarxento da OEP de 2010.
O concelleiro de goberno responsable da Área de Persoal, Réxime Interior e Patrimonio convocou, mediante Resolución do 11 de decembro de 2018, en execución da Sentenza 202/2016, do Xulgado do Contencioso-Administrativo número 2 de Pontevedra, o proceso selectivo para a cobertura dunha praza vacante de sarxento da OEP de 2010 que a continuación se sinala:
– Grupo C, segundo o artigo 76 do texto refundido da Lei do estatuto básico do empregado público. Subgrupo C1. Clasificación: escala da Administración especial; subescala servizos especiais; clase servizo extinción de incendios; número de vacantes: 1; denominación: sarxento.
O prazo de presentación de instancias será de vinte días naturais contados a partir do día seguinte ao da publicación deste anuncio no Boletín Oficial del Estado. Os sucesivos anuncios publicaranse no Boletín Oficial da provincia de Pontevedra e no taboleiro de edictos da Corporación nos termos establecidos nas bases.
Pontevedra, 15 de xaneiro de 2019
O alcalde
P.D. (Acordo da Xunta de Goberno Local do 21.4.2017)
Vicente Legísima García
Concelleiro de goberno responsable da Área de Persoal