Consonte ao establecido no artigo 15 da Lei 1/2016, do 18 de xaneiro, de transparencia e bo goberno (Diario Oficial de Galicia núm. 30, do 15 de febreiro) procédese a publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para dar cumprimento a este mandato,
DISPOÑO:
Artigo único. Darlle publicidade aos convenios subscritos pola Consellería de Infraestruturas e Mobilidade no terceiro cuadrimestre do ano 2018, que se incorporan como anexo a esta resolución.
Santiago de Compostela, 22 de xaneiro de 2019
Joaquín Macho Canales
Secretario xeral técnico da Consellería de Infraestruturas e Mobilidade
ANEXO
Convenios de colaboración subscritos pola Consellería de Infraestruturas e Mobilidade no terceiro cuadrimestre de 2018
Descrición |
Data sinatura |
Importe |
Convenio de colaboración entre a Xunta de Galicia, a través da Consellería de Infraestruturas e Vivenda e o Concello de Santiago para a execución dunha parada de autobús na rúa Clemente Fernández Sarela. |
25.9.2018 |
61.232,10 € |
Convenio entre a Consellería de Infraestruturas e Mobilidade da Xunta de Galicia, o Concello de Ourense e Adif Alta Velocidade, para o financiamento e execución das obras do aparcadoiro para turismos da futura estación intermodal de Ourense, cofinanciado polo Fondo Europeo de Desenvolvemento Rexional (Feder), no marco do programa operativo Feder Galicia 2014-2020. |
5.10.2018 |
3.900.907,50 € |
Convenio de colaboración entre a Consellería de Infraestruturas e Mobilidade e a Fundación dos Ferrocarriles de Galicia para garantir o funcionamento do Museo Galego do Ferrocarril e o desenvolvemento de actividades de exhibición dos fondos materiais propiedade deste, a divulgación destes entre a sociedade e o fomento do transporte ferroviario. |
12.11.2018 |
30.000,00 € |
Prórroga do convenio de colaboración entre a Consellería de Infraestruturas e Mobilidade da Xunta de Galicia e a empresa Renfe Viajeros, Sociedad Mercantil Estatal, S.A., polo que se instrumenta a integración desta empresa na Área de Transporte Metropolitano de Ferrol. Ano 2019. |
28.11.2018 |
38.133,00 € |