No Xulgado do Contencioso-Administrativo número 3 da Coruña tramítase o recurso 298/2018 (procedemento abreviado) de Alba María Bermúdez Pazos contra a desestimación presunta do recurso de reposición interposto contra a Resolución do 9 de maio 2018, da Dirección Xeral de Recursos Humanos, pola que se publican a orde de prelación e a puntuación definitiva obtidas polas persoas aspirantes admitidas no proceso de actualización das listas de selección temporal de diversas categorías de persoal estatutario (DOG núm. 95, do 21 de maio):
Categoría: enfermeiro/a.
Ámbito: Área da Coruña.
Epígrafe: experiencia.
O que se notifica para xeral coñecemento de todas as persoas interesadas no procedemento, que son emprazadas para que poidan comparecer como parte no citado xulgado no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 10 de xaneiro de 2019
Margarita Prado Vaamonde
Directora xeral de Recursos Humanos