Intentada a notificación do escrito de trámite de audiencia ao interesado, ditado polo xefe territorial da Consellería de Economía, Emprego e Industria de Ourense, polo que se acorda o inicio do expediente sancionador arriba referenciado, e non sendo posible a súa práctica, polo medio da presente cédula e segundo o disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, efectúase a notificación por medio de anuncio no Boletín Oficial del Estado (BOE), quedando condicionada a súa eficacia á publicación no taboleiro de edictos único (TEU) do Boletín Oficial del Estado (BOE).

Así mesmo, fáiselle saber que o dito escrito de trámite de audiencia non pon fin á vía administrativa e que, contra el, cabe formular escrito de alegacións, ante esta xefatura territorial, dentro do prazo dos quince (15) días hábiles seguintes ao da publicación deste anuncio no Boletín Oficial del Estado (BOE), conforme ao previsto no artigo 37.3 do Real decreto 928/1998, do 14 de maio, regulador dos procedementos para a imposición de sancións por infraccións da orde social e para os expedientes liquidatorios de cotas da Seguridade Social.

Sen prexuízo do anterior, e en virtude do disposto nos artigos 44 e 46 da Lei 39/2015, do 1 de outubro, este anuncio publícase no Diario Oficial de Galicia.

Os interesados, durante este prazo, poderanse presentar ante a oficina de emprego Ourense centro, situada na rúa Progreso, 11, baixo, Ourense, das 9.00 ás 14.00 horas, de luns a venres, para os efectos de coñecer integramente o contido do escrito de trámite de audiencia ditado polo xefe territorial.

Advírteselles aos interesados que, de non formularen alegacións en tempo e forma, a proposta de inicio do expediente sancionador adquirirá firmeza.

Ourense, 28 de decembro de 2018

Santiago Álvarez González
Xefe territorial de Ourense

ANEXO

Persoa interesada	Nº de expediente	Preceptos infrinxidos	Preceptos sancionadores	Proposta de sanción
49714792Q	49714792Q/ 17/12/2018/2.1.E	Artigo 24.4.b)	Artigo 47.1.a)	Perda dun mes da prestación/subsidio por desemprego
X5059737J	X5059737J/ 12/12/2018/2.1.E	Artigo 24.4.b)	Artigo 47.1.a)	Perda dun mes da prestación/subsidio por desemprego
44498145E	44498145E/ 30/11/2018/2.1.E	Artigo 24.4.b)	Artigo 47.1.a)	Perda dun mes da prestación/subsidio por desemprego
34728480K	34728480K/ 11/12/2018/2.1.E	Artigo 24.4.b)	Artigo 47.1.a)	Perda dun mes da prestación/subsidio por desemprego