A Secretaría Xeral Técnica da Consellería de Sanidade recibiu da Sección Segunda da Sala do Contencioso-Administrativo do Tribunal Superior de Xustiza de Galicia, un oficio polo que se admite a trámite o recurso contencioso-administrativo P.O. núm. 02/4357/2018 interposto por Gabriel Rodríguez Sagarra contra a Resolución do 2 de xullo de 2018 pola que se convoca o concurso público para a adxudicación de novas oficina de farmacia.
En consecuencia, esta secretaría xeral técnica acordou nesta data e de conformidade co disposto no artigo 49 da Lei 29/1998, do 13 de xullo, reguladora da xurisdición contencioso-administrativa, a remisión do correspondente expediente administrativo á referida sala, o que se notifica para xeral coñecemento de todas as persoas interesadas no procedemento e se lles empraza para que poidan comparecer como parte nos autos na Sección Segunda da Sala do Contencioso-Administrativo do Tribunal Superior de Xustiza no prazo de 9 (nove) días, contado desde o seguinte ao da publicación da presente resolución no Diario Oficial de Galicia.
Santiago de Compostela, 10 de xaneiro de 2019
Alberto Fuentes Losada
Secretario xeral técnico da Consellería de Sanidade